港式中英夾雜係香港廣東話靈魂！港人由細講到大 戒唔甩食lunch同book枱

「食lunch」「book枱」講到順口 突然叫返中文反而唔慣？

日前有網民在 Threads 發帖，形容香港人「有啲英文真係講到順口過中文，突然叫返中文個名反而有啲唔慣」。樓主舉例，日常生活中經常會脫口而出「食唔食 lunch？」「幾時 book 枱？」「幫你 check 吓」等說法，若要改用中文反而覺得彆扭。當留言區有人討論「file」的中文說法時，樓主亦親自回應，指出其實就是「文件夾」。帖文一出，隨即引來大批網民參與討論。

網民數盡「戒不掉」英文口頭禪 辦公室用語最盛行

不少打工仔大表認同，形容辦公室用語幾乎離不開英文。有人細數自己常說「send咗email俾你」「幫我scan落folder」「個printer又壞咗」，並笑言「全部用中文講的話，我個腦會hang機」。也有人分享，「幫我 cancel 個 meeting」這種說法早已成為習慣，甚至坦言「啲人問我file嘅中文我唔識答」。

另一邊廂，也有網民反其道而行，堅持使用中文說法。有人表示「比較常講食晏」，也有人會說「放飯」。亦有網民嘗試把整套說法改成中文：「食午飯，預約抬，查下」，卻自覺「又真係幾古怪」。

亦有網民跳出「英文定中文」的框架，認為這些詞彙根本已經融入廣東話。有人直言「嗰啲英文已經融落去中文，成為咗廣東話嘅一部分」，更引述前輩的一句「File，廣東話叫快勞」。另有網民反問「點解要區分呢啲係『英文』？呢啲字已經係香港語嘅一部分」，也有人以一連串生活例子佐證「因為英文唔係英文，係香港話」。

話題亦勾起不少人的尷尬回憶。有網民笑稱「想當年考中文oral勁驚衝口而出講英文出嚟」；也有人提醒這套講法不能對普通話使用者亂用，「呢個唔可以同啲國語人用，佢哋會以為你話：防範！」

港式中英夾雜用語清單一覽（部份例子）

以下整理文中網民提及嘅各類中英夾雜用語，按情境分類：

日常生活類：

• 食唔食 lunch？（食唔食午飯？）

• 幾時 book 枱？（幾時預約座位？）

• 幫你 check 吓（幫你查一下）

• 食lunch（食午飯，惟有網民偏好用「食晏」或「放飯」）

辦公室用語類：

• send咗email俾你（傳咗電郵俾你）

• 幫我scan落folder（幫我掃描入資料夾）

• 個printer又壞咗（打印機又壞咗）

• 幫我 cancel 個 meeting（幫我取消個會議）

• file（文件夾，前輩舊稱「快勞」）

其他相關詞彙：

• 中文oral（中文口試）

• hang機（形容思緒卡住／當機）

資料及圖片來源：Threads@talking2myself.__