洗衣機洗完要休息幾耐？專家揭黃金停機時間 揭3大習慣先最傷機
【家居 / 洗衣機 / 保養方法 / 家電迷思】每逢週末大掃除或換季換床單，家中洗衣機總要運轉不停。不過，不少人都曾被長輩嚴厲警告「洗衣機洗完一機要唞幾個鐘，唔係會燒底板！」究竟機器運作真的需要「補眠」？連續洗衫是否真的是家電殺手？
洗衣機都要「補眠」？
平時用完洗衣機，有幾多人真的會讓洗衣機「唞一唞」再繼續運作？近日，有網民在網上發帖，指自己家中洗衣機明明尚算新淨，但長輩極度堅持洗衣機洗完一機衫之後，一定要休息幾個鐘先可以洗第二機，令樓主感到不解，覺得明明洗衣機只是一部機器，更直言「用咪用，唔用咪唔用」，不明洗衣機「點解要唞」。更補充「屋企係通常一日一機，突然有嘢要洗先有第二機 」。
網民留言：因為擔心燒底版
帖文隨即引來網民共鳴，指「好多人好驚」、「咁雪櫃開咗成晚使唔使熄一熄？唔明咩原理 」。另有網民則以親身經歷，分析樓主家人可能是擔心連續洗會有機會過熱、燒底版。不過同時指出自己之前都曾試過「燒底版」，但當時維修師傅都是建議最少隔半個鐘，同問「冇需要隔幾個鐘咁耐嘛」？
揭洗衣機黃金休息時間
面對這種「錫機」行為，有家電專家即留言指出， 對於一部狀態正常、不算舊的洗衣機，一日洗 2 至 3 機完全屬正常使用範圍內。而每機之間其實只需要隔幾分鐘至十幾分鐘，等系統重設、稍微冷卻即可，解釋「唔駛特登抖幾個鐘咁多」。電器商更提醒，與其糾結休息時間，不如留意以下真正會縮短洗衣機壽命的「真正殺手」。
3大因素致洗衣機超傷機
- 經常超重裝衫
- 機腳不平
- 無定期清潔
港生活人氣本地熱話
↓【限時搶⚡】七海健絡康復草天然減痛膏↓
↓減輕急性疼痛、腫脹↓
↓【限時搶⚡】laCOOL銀粒子長效抗菌噴霧↓
↓一家大細、寵物都可安心使用↓
U GO 本週好去處
