結業潮｜土瓜灣譚公道老牌小食店11.30結業！經營逾20年 煎釀三寶每件$4成焦點！街坊不捨：小學食到現在

土瓜灣小食檔突宣布結業 門外貼告示多謝街坊

有港人近日在Facebook群組「黃埔人‧紅磡人‧土瓜灣人」發帖，表示位於土瓜灣譚公道的「譚公道小食初記」即將結業，並寫道：「廿幾年啦，結業」，同時上載店舖照片，引起街坊關注。

從照片可見，店舖門前已貼出兩張黃色告示，清楚寫上「本店11月30日結業 多謝各位街坊 有緣再見」，正式交代結業日期，並向多年支持的街坊道謝。

曾是區內人氣小食店 煎釀三寶每件$4

「譚公道小食初記」屹立土瓜灣逾20年，售賣豆腐花、豬大腸、腸粉、炸燒賣等多款街頭小食，其中煎釀三寶每件$4，曾是不少街坊熟悉的地道滋味。

點擊圖片放大

網民批食物質素下降 嫌又貴又難食：抵執

不過，並非所有網民都對小店結業感到可惜，有人留言直言「又貴又唔好食」，認為食物質素不及從前；亦有人批評炸茄子黑得難看、魚蛋愈來愈粉，甚至形容「都唔係魚肉，根本就係麵粉」。有人形容炸雞翼每隻索價$12令人卻步，煎釀三寶每件$4亦成為討論焦點，有人認為價錢太貴，回憶以前$10已有4件，更直言多年沒有幫襯，認為結業並不可惜。

網民留言

+10

+9

點擊圖片放大

老街坊留言力撐好食：小學食到現在

另一邊廂，亦有街坊表示不捨，留言力撐稱「非常好食，非常懷念，小學食到現在」、「佢算捱得耐啦，隔離小食檔係不停轉手」，又形容小店是譚公道一帶的地標。

有人認為，若連街邊擺檔的日子一併計算，店舖經營年期遠不止20多年，稱「超過三十年以上」；亦有網民分析結業原因，指「正常啦，兩公婆都好老，做唔掂執咗佢」，並慨嘆以後少了一個吃煎釀三寶的地方。

網民留言

+5

+4

點擊圖片放大

來源：Facebook@黃埔人‧紅磡人‧土瓜灣人、@香港茶餐廳及美食關注組