我和牠的故事｜孔德賢支持領養不棄養！拉布拉多曾骨折兼骨刺 宅男為愛犬減肥蛻變E人

堅持領養不棄養 擔任 PT 助受傷愛犬減肥

日前接力登場是孔德賢（Danny）及 5 歲大的拉布拉多犬風風。Danny 表示支持領養不棄養，更不會幫襯狗販，所以於年多前從義工手上領養了風風，當時是小胖狗一隻，現在要控制體重，他解釋：「返嚟之後去醫生度做檢查，發覺前腳受過傷有骨折，鑲過鋼片加上骨刺。所以要控制飲食減肥，而家我做咗風風嘅 PT（Personal Trainer）。」

融化怕狗母親心榮升多個孫 宅男生活徹底蛻變 E 人

節目中 Danny 講到自風風入住後，自己跟家人都有很大改變，首先是家人的群組變得活躍，經常有風風的新 Sticker 推出，他笑說：「連佢去廁所、瞓覺都變成 sticker。仲溶化咗媽咪個心，以前佢好驚狗，而家成日帶埋隻狗行山，仲同人講多咗個孫。」

至於 Danny 亦由過往生活單調，且有點宅男性格的大男孩變成 E 人，他笑對轉變說：「以前無乜嘢搞，都係做下運動、打下機，喺屋企 hea 下，做嘢先出街。而家一得閒就會諗，帶佢去邊度玩，係佢令我無咁宅呀。」除此之外會幫襯寵物友善餐廳，人狗撐枱腳。