原來咁行先啱？日本瘦身達人教你3招邊行邊瘦

瘦身不一定要特登抽時間做運動，日常行路一樣得，不過前提要你學識如何正確行路。
不如跟日本瘦身達人山口繪里加學下如何邊行邊瘦！ 

山口繪里加曾於≪POPTEEN≫等多本女性雜誌分享瘦身方法和心得。

繪里加指大部份都市人行路步伐較細、有些人還會低著頭。

但這樣行路的話，不但用不著大腿內側的肌肉，就連腹部肌肉都難以收緊。想平時行路都要瘦就要學識以下3招。

第一招：闊步行

大步行就可以用到大腿內側肌肉，仲可以拉動腹部肌肉，邊行邊瘦。

第二招：收腹收腹再收腹

細細個已經成日聽「行路要挺胸收腹」，到底收腹有幾重要？收腹時脊骨會自然拉直。想像一下有根線在你頭頂拉直身體，腹部就會自動收起。呢下收腹已經用上裡面的肌肉！記住呢種感覺，再闊步行，就不會只用小腿肌肉，同蘿蔔腿say goodbye。

第三招：踏步時挺直伸展

當你已經學識頭2招，踏步時已經用上大腿內側肌肉和感受到腹部拉緊。這時記得要挺直，將頭頂至腳趾公之間拉到最長。切忌寒背，要挺胸先可以愈行愈瘦。

想瘦身，做運動固然重要，但日常亦不要錯過可以瘦身的小撇步。

一齊試試行路瘦身法啦！