正在閱讀
過2萬網民讚好!日IKEA分店試行讓座送雪糕

過2萬網民讚好!日IKEA分店試行讓座送雪糕

2018.02.26

最近有日本網民喺Twitter上載一張IKEA餐廳嘅相,上面寫明「以購買印單上面顯示的時間為計,客人於30分鐘內可以讓出座位就會獲贈雪糕換領劵一張。」換言之,即係有免費雪糕食啦!相片旋即引起熱話,多達25,000個網民轉發。點解IKEA要咁做呢?

有喺香港IKEA食過飯都知道,餐廳人流係幾咁多、座位係幾咁少㗎啦!呢個情況其實全球ikea都有,而日本方面嘅店員就話見到餐廳人流擠逼,經常聚集一家大細嘅情況下,客人讓座十分常見。所以店員希望可以報答返呢班咁禮讓嘅顧客,順便藉住呢個方法減少顧客等待時間,可以坐低享用美食。



呢個post一出,網民即刻大讚ikea做得好,一方面唔係企喺道德高地指責霸住座位唔走嘅人,另一方面亦都唔係罰佢哋,而係利用正面嘅行動去避免排長龍嘅問題發生。公關做得好之餘又細心,即使只係送50yen嘅雪糕都抵啦!




雖然呢項措施目前只係適用於「橫濱港北」同「東京立川」兩間店星期六日嘅繁忙時段,而且只會限量派出1000張雪糕換領劵,不過已經有好多網民都去親身一試,仲見到方法成效好高。相信未來喺日本各地分店都會實行呀!如果香港都有呢個福利就好啦!



圖:twitter@513MHz、twitter@Tatsunori_poly、twitter@withnewsjp、twitter@shiomonkeygrapee



免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠