平時喺街市或者超級市場買生果，都唔知邊啲熟啲，邊啲好味啲。日本節目《相葉マナブ 『マナブ目利き塾・春の果物編』》就搵嚟高級水果店「銀座千疋屋」嘅買手，教大家點樣分辨4種靚同唔靚嘅春天時令水果！大家之後買生果就要識揀啦！
車厘子：要留意莖部顏色，如果莖部較綠，就代表較新鮮，食起上嚟更有口感！
另外都要留意莖部粗幼，莖部愈粗代表樹木會傳送多啲養份，所以營養同味道都會更加好。
士多啤梨：下圖可以見到左邊嘅葉有反起，右邊就冇。左邊嘅葉會反起係士多啤梨儲存嘅水分較多所致，所以左邊嗰粒味道就會鮮甜啲啦。
士多啤梨形狀唔同，都會有分別：由於士多啤梨一般都會從再底部開始熟透(顏色變紅)，而且愈肥營養愈高，所以肥嘟嘟嗰粒士多啤梨B就會好食啲. 至於食唔晒嘅士多啤梨，用報紙包住保溫，就唔會咁快變壞。
香蕉就當然越直越好啦，又健康又高養分呀！所以A香蕉係好味啲嘅！想保存得耐啲，同樣可以用報紙包住，再放入紙袋保存。
奇異果形狀越肥越好，因為越肥嘅奇異果通常都喺近樹幹嘅地方結果。換言之，B奇異果嘅養分又會高啲，好味啲啦～
原來品嚐水果都有咁高學問，下次去買生果要落足眼力睇真啲！
圖：《相葉マナブ 『マナブ目利き塾・春の果物編』》截圖
」，
App內睇文同睇片可隨時捕捉U Fun彩蛋，
換領現金券及禮品！
↓【免費送💓】Physiogel皇牌面膜套裝↓
↓ 轉季必備! 抗敏紓緩 x 修復保濕💧↓
↓↓【免費贏Rollink可摺疊行李箱或旅行Mini Bag】↓↓
↓ 立即分享旅行打卡靚相！↓
評語