鄧紫棋(G.E.M.)主持的節目《卡拉O棋》,邀請出名搞笑的農夫玩遊戲。遇到兩位笑匠,一定會笑料百出。而阿G.E.M.面對C君、陸永一唱一和,都忍不住爆笑。事後在Facebook表示農夫「真係轉得太快」,令自己「除咗識笑仲識啲咩」。
遊戲最初,G.E.M. 接受懲罰,要打視像電話給任何人表白說「我愛你」,她還得戚表示「實在太簡單」,怎料最後她連打5次視像電話也無人聽。
連媽媽及外公也相繼「拒接」, C君忍不住串她:「玩呢個遊戲測試到其實冇乜人願意聽你電話。」
最後C君提議致電給他一位「G.E.M.迷」朋友,當 G.E.M. 在視像電話中向對方講「我愛你」後,這位朋友竟瞬間面紅,不過聰明地猜到她在玩遊戲。
農夫笑言:「呢位朋友有老婆㗎,睇嚟佢今次婚姻會面臨破裂,遲啲幫佢搞分居。」
另一方面,鄧紫棋如今是樂壇天后,農夫最關心的就是對方的身家。
C君提出了選擇題:「G.E.M.依家身家幾多?A/ 多過阿Bob;B/ 多過Do姐;C/ 多過佢哋加埋」。
不過阿G.E.M.反客為主,問農夫的身家,C君自爆:「我身家多過陸永600倍。」陸永笑言自己全副身家其實只有幾千元。
最後,G.E.M.反超前先到達終點,農夫落敗就要接受大懲罰,要以普通話 Rap 廣東歌《舉高隻手》,一向Rap得好流利的農夫終於被考倒,唱到普通話完全甩beat,搞到阿G.E.M.笑到肚痛。
農夫問到「佢」的普通話怎讀,阿G.E.M.回應唸「主」。
反應快的C君爆爛Gag:「唔怪得啲人會感謝主喇!原來係多謝佢!」
而阿G.E.M.就透露11月會與農夫合作出新歌,今次遊戲成功試到有火花。
圖片來源:《卡啦O棋》影片截圖、樂天派工作室