被問身家幾多口啞啞 G.E.M.笑爆農夫唱《舉高隻手》國語版

文: Ling Kwok
2018.03.14

鄧紫棋(G.E.M.)主持的節目《卡拉O棋》,邀請出名搞笑的農夫玩遊戲。遇到兩位笑匠,一定會笑料百出。而阿G.E.M.面對C君、陸永一唱一和,都忍不住爆笑。事後在Facebook表示農夫「真係轉得太快」,令自己「除咗識笑仲識啲咩」。

遊戲最初,G.E.M. 接受懲罰,要打視像電話給任何人表白說「我愛你」,她還得戚表示「實在太簡單」,怎料最後她連打5次視像電話也無人聽。

連媽媽及外公也相繼「拒接」, C君忍不住串她:「玩呢個遊戲測試到其實冇乜人願意聽你電話。」

最後C君提議致電給他一位「G.E.M.迷」朋友,當 G.E.M. 在視像電話中向對方講「我愛你」後,這位朋友竟瞬間面紅,不過聰明地猜到她在玩遊戲。

農夫笑言:「呢位朋友有老婆㗎,睇嚟佢今次婚姻會面臨破裂,遲啲幫佢搞分居。」

另一方面,鄧紫棋如今是樂壇天后,農夫最關心的就是對方的身家。

C君提出了選擇題:「G.E.M.依家身家幾多?A/ 多過阿Bob;B/ 多過Do姐;C/ 多過佢哋加埋」。

不過阿G.E.M.反客為主,問農夫的身家,C君自爆:「我身家多過陸永600倍。」陸永笑言自己全副身家其實只有幾千元。

最後,G.E.M.反超前先到達終點,農夫落敗就要接受大懲罰,要以普通話 Rap 廣東歌《舉高隻手》,一向Rap得好流利的農夫終於被考倒,唱到普通話完全甩beat,搞到阿G.E.M.笑到肚痛。

農夫問到「佢」的普通話怎讀,阿G.E.M.回應唸「主」。

反應快的C君爆爛Gag:「唔怪得啲人會感謝主喇!原來係多謝佢!」

而阿G.E.M.就透露11月會與農夫合作出新歌,今次遊戲成功試到有火花。

圖片來源:《卡啦O棋》影片截圖、樂天派工作室

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓