方東昇主持《長命百二歲》繼續搞爛Gag：歲月先有資格催人
TVB主播方東昇最近低調地主持新節目《長命百二歲》，過往幽默的主持風格，在探討沉重的人口老化的節目當中，依然能夠體現得到。而同行的老前輩李德成，聽到方東昇一如以往講求食字、押韻的爛Gag，都忍不住話：「真係畀佢激死！」
節目一集只有三分多鐘，目前播出了11集，幾乎每集都有金句。即席更大家總結一下：
1.「慢慢嚟唔好急，我哋唔會催人，歲月先有資格催人」
2. 41歲的方東昇沾沾自喜地說：「按照世衞標準，45歲或以上先係中年，所以我仲係大好青年。」
八叔李德成都有金句爆！
3. 黃曉瑩對李德成說：「你人生經驗咁豐富，食鹽多過我哋食米。」李德成答：「食得鹽多就要食藥㗎喇」
4.「人生七十古來稀，八叔一百都OK」
5. 未必人人可以做明星，但只要努力，就有機會做精英
6. 「室雅何需大，不過如果室又雅又大，可能仲好」
7. 「想食乜可以自己揀，所以食嘅都係開心樂園餐」
8. 「見到你（李德成）就好似以前馬王『步步友』咁，『步步有力』呀。」
9. 香港人講求唔好急，最緊要快，而台灣人就係「慢慢來，比較快（國語）」
10. 有髮不能不「執」，有請執「髮」部門
11. 高人一出手，頭髮冇變有
除了爛gag金句，方東昇主持時的反應都好可愛。就好似他探訪老人院，負責人表示要老人家不再用約束帶，讓他們培養自主權，所以過去已燒掉了幾千條約束帶，方東昇第一個反應就是：「好像林則徐燒鴉片一樣。」負責人聽到之後哈哈大笑。
圖片來源：《長命百二歲》影片截圖
港生活人氣本地熱話
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
