正在閱讀
4間平價照相館影CV證件相!一條龍包化妝/服裝造型/執相

4間平價照相館影CV證件相!一條龍包化妝/服裝造型/執相

2018.06.01

又到畢業生搵工的季節,是時候影定靚靚的求職相,留一個好印象俾雇主!今次向大家推介4間一站式證件相影樓,包化妝、襯衫、攝影和執相,一次過滿足晒你所有願望,有啲仲有衣服出租,唔洗拎住啲衫周圍走添。

1. 閃光機-韓式證件相影樓

之前在旺中開業,近日搬遷到荔枝角的閃光機大受歡迎,是香港首間的韓式證件相影樓。店內提供一站式服務,包括:襯衫、化妝、拍攝及修圖,無論見工相、空姐相、畢業相定學生相的服務都有齊。以見工相為例,$220/16張,包執2張相,另外加$50仲有soft copy。

圖:閃光機-韓式證件相影樓@ FB

2. Oppa Noona 韓式證件相照相館

位銅鑼灣的Oppa Noona韓式證件相照相推出$220/12張相,費用包括:服裝、補妝、拍攝及修圖,電子檔需另加$50,包化妝和set頭亦需另加收費。這間另外仲有專業造型/個性造型相、學生相及化全妝及髮型設計相等多類型服務。

圖:Oppa Noona 韓式證件相照相館@ FB

3. Happy Face Photo-synthesis 一站式化妝影樓

位於太子的Happy Face - synthesis就可以$350享受一站式服務,最快仲可以即日可收取電子修圖檔案,更可以於1個月內自由免費印曬體驗。當中拍攝服務包括 : 化妝、頭髮造型、拍攝及修圖 ,並送softcopy。相片亦可以選擇影正面或側面及背景顏色。場內更有恤衫、西裝褸等出租,唔洗拎住啲衫去街,非常方便。而且二人同行,每人額外仲減$20,約埋朋友去就啱晒。

圖:Happy Face Photo-synthesis 一站式化妝影樓@ FB

4. Owl Photo Studio貓頭鷹照相館

貓頭鷹照相館就有齊個人照Package及團體,個人首張相$299,每多選一張150,當中價錢包括化妝、造型、拍攝、後期修圖,並送SoftCopy。這間照相館比其他價錢較貴,但相片質量較高,適合對照片要求高的客户。而且中環、銅鑼灣及尖沙咀都有分店,方便顧客。

圖:Owl Photo Studio貓頭鷹照相館@ FB

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠