講到豆奶飲品，香港人應該無乜邊個未飲過「維他奶」！絕對稱得上係香港經典品牌嘅佢，由細到大都陪住我哋成長，不過雖然人人都飲，但係咪個個都知佢背後嘅故事？今次我哋話你知維他奶5件必知嘅事，同埋點解可以喺飲品界屹立不倒咁多年！
第1件：維他奶係平民恩物？
唔講你唔知，維他奶出世嘅原因其實係為左提供廉價而有營養價值嘅飲品俾大眾，加上當時二戰時期好多人都得唔到足夠嘅營養，所以創辦人羅桂祥博士希望以營養豐富嘅大豆，製造價廉物美嘅產品，畀大眾享用。維他奶就係咁樣喺1940年誕生啦！時至今日，接近80年來，維他奶一直秉承提供優質營養嘅宗旨，嚴格選用非基因改造大豆製造，加上大豆有優質蛋白質及多種豐富維他命，所以無論任何年紀，都係佢嘅捧場客。
第2件：維他奶可以喺邊度買到？
如果你以為維他奶產品只係能夠係香港買到的話，你就真係太年輕啦！其實今時今日維他奶公司嘅版圖已經唔再局限於香港。近至新加坡，遠至西班牙，甚至一啲我地好少聽嘅地方例如塞浦路斯仲有接近極地嘅冰島都可以買到維他奶，問你服未？
第3件：無添加防腐劑飲落更安心！
為咗令大家飲得更健康又更安心，品牌所有飲品都係無添加防腐劑，咁就飲得更放心啦！而早於1975年，維他奶就由瑞典引入鋁箔紙包裝保鮮設備，配合超高溫消毒，令到產品可以保存多月都唔怕變質，維他奶仲係本港首家引進紙包裝同超高溫消毒嘅品牌，真係好有前瞻性！
第4件：到底大家點飲維他奶？
根據非正式統計指出，大部份人都習慣用10秒時間飲咗一半膠樽裝維他奶，之後嗰一半就會慢慢enjoy！返工又飲得，出街又飲得，喺屋企睇電視都飲得！買定一兩支旁身，咁就鍾意幾時飲都得啦！
第5件：維他奶陪你走過電視汁撈飯的日子！
唔講唔知，原來唔只幾時都keep得咁好嘅陳曉東、閃電傳真機嘅主持Simon哥哥魯文傑同「不怕海龍王」嘅陳浩民等，都曾經幫維他奶拍廣告㗎！一講起童年回憶即刻返晒嚟！
Source: Vitasoy
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
