【iPhone教學】蘋果手機4大實用隱藏功能 用iPhone效率倍增！

瞓著後手機自動關閉影片或音樂

好多人搭車或者臨瞓前都喜歡用手機睇片或者聽歌，不過好多時又會睇到一半不小心瞓著覺，導致手機長開，浪費電量，今次就教大家點樣可以令iPhone在大家不小心瞓著後，自動將影片或者音樂關掉。

首先打開應用程式內的「時鐘」，再按「計時器」，按「當計時結束」，然後再選擇到最底行的「停止運行」

點擊圖片放大

之後再按設定調較音樂或影片的停止時間，例如1小時，咁在手機播放中的影片、語音或者音樂都會在1小時候全部關閉，咁以後就不用再怕睇睇吓片瞓著覺iPhone會長開啦。

在指定地點開啟請勿打擾功能

好多人入戲院睇戲或者上班開會時都會將手機較成請勿打擾模式，不過好多時事後都會忘記將功能調較點正常模式而錯過重要的電話，今次就教大家點樣可以在指定地點開啟請勿打擾功能。

首先在手機向上拉打開「控制中心」，之後再長按月亮符號的「請勿打擾」功能。

選擇「直至我離開此位置」，按此後，用家只要離開當前的位置就會自動解除「請勿打擾」功能，咁就唔怕忘記解除「請勿打擾」功能而錯過任何重要電話啦。

將日曆較特定時間

好多人都喜歡使用iPhone日曆內時間記錄每天行程，用開此功能的用家都知道時間設定間隔只有5分鐘，但其實原來日曆功能可以設定到準確的時間，例如15:03，一齊睇吓點做到。

其實首先打開日曆，再按「+」新增行程，之後輸入行程的基本資料，再調較開始時間。

時間顯示出後只要連續按2次時間軸就可以將時間單位變成1分鐘，咁就可以更準確地記錄行程啦。

點擊圖片放大

計數機刪除功能

成日計數都會不小心按錯製但又唔知點刪除打錯的數字，每次都要重新再輸入十分麻煩，今次就教大家點刪除在計數機內輸入錯的數字。

其實大家只需要在發現打錯後立刻用手指在屏幕上向左劃一下，就可以成功將打錯的數字刪除。