Marvel Studios超級英雄電影《復仇者聯盟4:終局之戰》(Avengers: Endgame)未上映已經掀起極高討論度,早前香港有戲院趁《Marvel隊長》(Captain Marvel)上映前推出「Marvel電影馬拉松」,讓粉絲買飛入場,一次過重溫多部Marvel經典作,近日美國亦有公司推出「Marvel電影馬拉松」,唔使畀錢之餘,仲有1,000美元獎金送給參加者!
美國Cable TV近日推出「Marvel電影馬拉松」,正在招募參加者,參加者要在三天內睇晒20套Marvel歷年的作品,期間須要在社交媒體上即時分享電影觀看心得,又要為各齣電影進行評分排名。
成功完成任務後,參加者可獲得1,000美元(約7,800港元)獎金、完整Marvel電影宇宙系列的Blue-ray影碟一套及一個Marvel馬拉松求生包,裡面入爆谷、爆谷筒、魁隆無限手套杯一隻、鐵甲奇俠毛氈及價值100元禮物卡。
活動招募截止日期為4月15日,各位Marvel粉絲係咪都好想挑戰呢?不過參加者條件是「個性主動、外向,並擅於用社交媒體」,需年滿18歲,並且擁有美國工作資格,所以香港粉絲相信唔係個個都合資格。
來源:Cable TV
評語