【誠邀創意學生 設計創新節水花灑頭】

2020.01.14

見到以上咁多得意嘅花灑設計,你又有冇啲天馬行空同時實踐環保理念嘅想法呢?各位學生們,如果你一向都多諗頭兼創新,又會關注環保,你一定要參加由水務署舉辦嘅「創新節水花灑頭設計大賽」!未諗到有咩idea?唔緊要!等我講幾個有趣設計幫大家「腦震盪」吓啦!

跳出框框 創意花灑頭令人意想不到

唔好以為花灑頭冇咩變化,其實現今都有好多腦洞大開嘅設計,好似喺花灑頭加入燈泡。當用佢淋浴果陣,光同水一齊傾瀉而下,另有一番感覺!


花灑甚至可以衝破一件物品嘅限制,直接安裝喺天花板,唔會佔用空間。再唔係一個花灑頭唔夠,整夠六個!有外國就設計出「六爪魚」花灑,六個花灑頭令身體每一處都享受到淋浴,仲可以隨意扭曲或拉伸,想點淋都係自主決定。

年輕人們 發揮創意小宇宙!

呢啲設計雖然得意,不過就未夠環保,所以「最創新節水花灑頭」就要交畀你喇!呢個比賽由水務署舉辦,希望令更多市民認識節水器具、宣揚節約用水、促進環保節水裝置嘅產品設計同埋鼓勵青年人發揮無限創意!

所以大家設計時,記得將環保元素融入設計概念,要跳出舊有框架,由花灑頭嘅外觀設計以至內在性能都要提升至更高層次,咁先係做到「創新」!

 
豐富獎品 將設計轉化成立體模型

參加比賽又點可以唔講獎品呢!除咗以下獎品,主辦機構仲會為獲得金、銀、銅獎嘅概念作品製成立體模型,並有機會喺其後巡迴作品展覽入面展出,以表揚得獎者嘅卓越表現,同埋推廣創新節水裝置設計。展覽結束之後,仲會將立體模型送返畀得獎者留念!

金獎(1名):獎座乙個及港幣10,000現金獎
銀獎(1名):獎座乙個及港幣5,000現金獎
銅獎(1名):獎座乙個及港幣 3,000現金獎
優異獎 (5名):證書乙張及港幣 1,000現金獎
 
參加簡介會 獲得更多比賽詳情

為咗令各位中學生及大專生更了解比賽,1月18日仲會有一個簡介會,講解比賽詳情同評審指引,香港設計中心主席更會分享設計心得~

【INFO】
日期:2020年1月18日(六)
時間:2-3pm
地點:觀塘鴻圖道21號訊科中心15樓INDEX工創空間
嘉賓:香港設計中心主席嚴志明教授, JP

立即登記參加簡介會!

報名截止日期及時間:2020年3月13日 (星期五) 23:59
 

資料由客戶提供


立刻訂閱Telegram優惠頻道:

【港生活6周年大激賞】入App贏至「嘆」巨獎!

↓↓第五擊送香港愉景灣酒店Staycation↓↓

第五擊送香港愉景灣酒店Staycation

↓【App限定】禮品、現金券、優惠折扣等您攞!↓

立即免費下載~攞定U Fun隨時換禮遇!

立即免費下載~攞定U Fun隨時換禮遇!

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用