鄭中基重提《美女廚房》不為人知的事 曾搞喊日本女藝人 11年後道歉
鄭中基（Ronald）一年前開立了Youtube頻道《機動電視台RTV》，用來分享生活點滴。近日因為疫情關係，出街都要帶口罩，這樣令他回想起11年前拍攝《美女廚房》時戴口罩食美女煮的菜式的趣事。
鄭中基回想起11年前拍攝《美女廚房》，他提起當年日本名模椋名凜炮製的臭豆辣椒蝦及喇沙米粉，講起一件趣事，表示：「因為我唔食冬菇同蝦醬，次次都會同參賽者講明，點知佢日本人，聽唔明我講嘢。佢落咗成嚿蝦膏，成碟嘢就好似沼澤撈出嚟嘅不明物體，灰灰綠綠，好臭。但一定要試食，我只好隔住口罩食。」
原來這件事有後續，就是節目錄影之後，鄭中基覺得不好意思，覺得自己說話有點過份，便想向椋名凜道歉，可惜她離開了錄影廠：「諗住搵佢道歉，當時嘅批評太過苟刻，點知佢已經走咗，喊住咁走咗，原來嗰日係佢生日，所以好對唔住，隔咗咁多年先同你講，對唔住！」
不過，有網民笑言椋名凜正因當年在《美女廚房》受打擊，2010年與職業車手高村直樹結婚後，為了讓5個孩子有啖好食，立定決心進修廚藝，如今已是真正的美女廚神。
圖： IG@椋名凜
港生活人氣本地熱話
U Lifestyle App全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【限時搶⚡】勁送Neoflam不鏽鋼食物保鮮盒↓
↓密封防漏及分隔式設計｜耐用又環保 ↓
