都市人無論工作定消閑都會對住電話或電腦，長時間望電子產品會造成眼睛疲勞，甚至視力變差，想保持雙眼明亮，除咗有良好嘅生活習慣之外，都可以從飲食入手，好多人第一時間會諗起胡蘿蔔，但除此之外其實仲有好多嫁，一齊嚟睇睇仲有咩例子！
魚類－豐富Omega-3及DHA
魚類含有豐富嘅Omega-3，可以預防黃斑病變，同埋有助淚水正常分泌，改善眼乾症狀；亦能夠舒緩眼內壓力，防止誘發青光眼，改善視覺靈敏度。蘊含豐富Omega-3及DHA嘅深海魚有吞拿魚、三文魚、沙甸魚、鯷魚等。
藍莓－花青素
市面上有好多護眼保健食品有藍莓成份，因為藍莓含有豐富嘅花青素，有助維持眼球微血管嘅彈性同幫助視網膜上嘅視紫素合成，提供充夠營養同氧氣畀視網膜細胞，維持眼睛健康，而且藍莓具抗氧化功效，能夠幫助眼部血液循環同埋視力敏銳度。
羽衣甘藍－葉黃素、玉米黃素及維他命C
羽衣甘藍有「綠葉菜之王」之稱，含有豐富葉黃素同玉米黃素，特別喺天然環境下，呢兩種營養素可以吸收多餘光能，防止藍光破壞植物組織，同時過濾有害嘅藍光破壞眼細胞同視網膜。葉黃素喺體內無法合成，會隨住年紀大而流失，所以要攝取多啲含有葉黃素嘅食材。羽衣甘藍同時含豐富抗氧化維他命C，都對眼部健康有益。
除咗羽衣甘藍，以下綠葉菜都含有相當份量嘅豐富葉黃素同玉米黃素：粟米、菠菜、芥蘭、番薯葉、紅菜頭葉等，讓大家有多幾個選擇。
杞子－玉米黃素牛及磺酸物質
杞子清肝明目有唔少人都知，佢可以保護視網膜嘅視神經節細胞，以對抗青光眼。葉黃素同玉米黃素係視網膜形成嘅主要物質，而杞子能夠增加血液中嘅抗氧化物玉米黃素，發揮保護黃斑嘅效能。杞子仲含有一種牛磺酸物質，有助防止視網膜血管增生，用杞子嚟泡茶或者煲湯飲用都係好方法！
▼即睇更多健康資訊▼
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
