零失敗自製台灣大熱彩虹麻糬芋頭酥 彩色酥香外皮+芋泥麻糬餡軟滑超煙韌!(內附食譜)

文: LorLor Lee
2020.10.11

麻糬及芋頭相信是不少人的心頭好,兩者搭配製成的甜品花款多樣,今次就為大家介紹這款近期大熱的彩虹麻糬芋頭酥。外皮油香酥脆,內餡芋泥幼滑配煙韌麻糬,不但口感豐富,彩色的酥皮少女心十足,整比自己或家人朋友食,或是自家製散水餅都得,即刻睇睇食譜及步驟啦!

最近這款台灣人氣手信小食——彩虹麻糬芋頭酥網上人氣大熱,芋頭酥內餡有軟滑細膩芋泥搭配煙韌麻糬,彩虹外皮顏色鮮艷可愛,大家不妨在家挑戰自己整啦! 

首先,製作芋泥部分。將芋頭去皮切粒,以大火蒸10分鐘後壓成芋泥,再加入糖及牛油拌勻備用。

Click圖睇睇詳細步驟

第二,製作麻糬部分。將糯米粉、粟粉、糖、水等材料混合, 以大火蒸15分鐘,然後可用筷子插進粉團後測試其熟度,如沒粉漿黏住筷子則代表麻糬已熟透。

Click圖睇睇詳細步驟

第三步為製作麵團。將中筋麵粉過篩,加入糖霜、脫水牛油等材料混合成粉團,蓋上保鮮紙後在室溫鬆弛40分鐘。

Click圖睇睇詳細步驟

第四步,製作七彩油酥皮。將低筋麵粉、色素及脫水牛油混合成團,分別弄成紅、藍、綠三隻顏色的油酥,用保鮮紙包裹好後冷藏30分鐘。 

Click圖睇睇詳細步驟

第五步,組合麻糬芋泥內餡。將芋泥分成一顆15克,麻糬一顆5克,然後將麻糬包入芋泥中成球狀。

Click圖睇睇詳細步驟

第六步為酥皮的製作。將麵團分為40克一個,三色油酥分別分為10克一顆。先揉平麵皮,加入三隻色的油酥包好,再用麵棍揉平,然後捲起來,揉成長條狀。將長條狀的麵團用麵棍揉平,再捲起,然後在中間切開。麵團切面向下,用麵棍揉平後即可包入芋泥麻糬球,將麵團封口後便完成酥餅~

Click圖睇睇詳細步驟

最後將酥餅送入焗爐,以170度焗30分鐘,焗至中途記得將烤盤前後調轉,讓酥餅受熱更均勻,外酥內綿的酥餅就完成啦!

Click圖睇睇詳細步驟

授權轉載:Two Bites

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓

↓【社群送禮】出發賞櫻送旅行現金!↓

↓日本GO!輕鬆帶走,000現金券↓

↓日本GO!輕鬆帶走,000現金券↓