楊千嬅與汪阿姐深情對話時激動爆喊 指網民未了解先留負評成壓力來源:好似我連累到人哋

2020.10.13

楊千嬅最近有新節目《千言・慢煮》,邀請不同藝人做嘉賓煮嘢食大談心事。早前她邀請到汪明荃做嘉賓,在阿姐面前大談壓力,汪阿姐聽罷在旁開解,結果千嬅聽到爆喊:「聽到你咁講我舒服晒,好多嘢抑壓咗係心入面好耐!」

楊千嬅如此激動爆喊,是因為她坦言自己有好多壓力,因為她作為一個藝人,近年來最大壓力來源來自於網民。 

她表示網民未有了解過自己的作品,就已經先留下負評:「例如我今日準備咗好耐煮一味餸畀你食,我心入面就會好有期待,但係煮出嚟之後就會發現,可能有(啲)人望又唔望、睇又唔睇、試又唔試就否定咗,甚至乎話好難食、好差,我覺得呢種係令到自己最沮喪、最無奈嘅一種氣餒。」而她眼見到有粉絲為自己護航,而無辜被網民開始罵戰、被罵,從而感到非常心痛:「我好介意啊,好似我連累到人哋咁。」

阿姐在旁開解楊千嬅,要她保持自信、繼續堅持做自己,:「其實你點樣可以去please每一個人呢?我諗最緊要都係你要對自己有信心。」同時又勉勵千嬅不需要過於着重其他人的評價:「你唔鍾意嘅話,可以唔睇㗎嘛!」

立刻訂閱Telegram優惠頻道:

超過1,000個自助餐提案!

↓即刻入App免費睇↓

即刻入App免費睇

評語

獨家優惠

輕掃查看其他優惠