藝人鄭伊健與蒙嘉慧結婚7年，愛得低調甜蜜。兩公婆都喜歡打機玩遊戲，蒙嘉慧就分享了最近兩人留在家中打機的趣事。她指自己在玩《薩達爾無雙》的時候，被老公鄭伊健賣掉了她心愛的武器。不少網民都笑言鄭伊健可能要跪玻璃先得。
蒙嘉慧在FB分享打機時被老公賣掉武器的慘痛經歷，指自己「打緊蕯爾達無雙，正準備出售冇用武器之際，突然部機不受控制賣出心愛武器」。她透露老公鄭伊健即刻大叫：「有冇攪錯，個手掣壞咗...冇陰功未save㗎」，而蒙嘉慧則無奈地表示：「阿腥，你控制緊我部機，你冷靜d。企埋牆，俾我用原力打你一身，我會平衡番d」。
她透露武器是花了好多錢才升級到的武器，形容當時情況「冇仇報」：「佢係玩緊pc game,唔知點解佢個手制Bluetooth 出事，無端端控制咗我部switch佢亂㩒之下賣咗我d武器，冇仇報」。不少網民都笑言兩人打機互動搞笑又甜蜜，又建議蒙嘉慧叫鄭伊健跪玻璃。
來源：FB@蒙嘉慧
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
