何雁詩與老公出街買餸被嘲似外傭 鄭俊弘聞言即爆笑搞到老婆當場出手還拖

2021.01.30

何雁詩與鄭俊弘一向都十分恩愛,不過女方早前與老公出街買餸,因為一身街坊裝加束起馬尾關係,就被人話似工人姐姐,而老公鄭俊弘聽到新聞後,其反應反而令到何雁詩一時之間招架唔住,好似有少少嬲嬲豬咁喎。

何雁詩與鄭俊弘早前夫妻檔為《慈善星輝仁濟夜》做嘉賓,其後接受訪問時,何雁詩被問到早前與老公一身街坊裝出街買菜,畀人話似工人姐姐,她最初大方地回應,笑言日常都會取笑老公似黑人,似足她最愛的高爾夫球球星。

不過話鋒一轉到鄭俊弘時,他一時來不及反應,口窒窒後不禁喪笑,何雁詩見到之後最初有少少唔知點好,後來有半開玩笑的方式出手拍打鄭俊弘,場面搞笑。

而鄭俊弘解釋諗起覺得好搞笑,所以忍唔住。而何雁詩最後都有大方回應,覺得去街市要著合適的裝束,唔需要著到好似去紅館咁。而鄭俊弘後來都有補鑊,就話:「可能都有人話我係似何雁詩個司機呢!」


圖:ig@鄭俊弘、何雁詩
立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

評語

獨家優惠

輕掃查看其他優惠