大埔街市魚檔21斤馬友索價一萬 街坊唔明點解咁貴 海鮮專家解釋原因：呢個價好合理
新年來到，相信不少街坊都會想食好啲，有餐豐富的團年飯。近日就有大埔街坊在街市見到有魚檔就將一條約21斤的馬友索價一萬咁貴，即刻引起了網民熱話，仲笑言：「係咪一萬Yen（日圓）呀？」
有位大埔街坊就在Facebook的群組「香港街市魚類海鮮研究社」分享在街市見到的奇境，留言：「想話搵條馬友過年啫，點知賣到咁貴」相片中就在魚檔見到一條巨大的馬友，上面寫上價錢是一萬。
點擊圖片放大
不少網民見到天價馬友都感到震驚，不禁問：「洗唔洗咁貴？」、「係咪日圓呀？」、「係檔主自己想留嚟食咋？」，引起熱烈反應。後來亦有網民表示，可能臨近新年，加上馬友的體積較大，可能開價都會較貴。
而香港海鮮聯合總會主席李彩華回覆傳媒指，臨近新年關係，所以貨源短缺，加上馬友其實愈大條愈好味，所以價格才會較高。後來得知相中的馬友重約21斤，入貨價350元一斤，成本約7,500元，最終以9,000元賣出。
點擊圖片放大
來源:香港街市魚類海鮮研究社、魚類統營處
港生活人氣本地熱話
【送您🎁】「民坊 X Usagyuuun 小突兔限定精品套裝」
↓5款 Usagyuuun 小突兔精品🌟/四大獨特校園主題互動打卡場景📸↓
【立即投票】贏走人氣雪糕券🍦
↓每日入《社群》投票，送您人氣雪糕券😍↓
