張致恒老婆自爆手頭僅餘200蚊壓力爆煲 雯雯認曾有輕生念頭宣布關閉IG做回自己

2021.03.21

藝人張致恒Steven負面新聞纏身,早前被模特兒馮鎵瀠Naomi爆欠債不還錢。有指Steven所居住的元朗村屋外遭人貼街招追數,之後一家人甚至著草搬家避債。Steven老婆雯雯最近上水寫千字文回應事件,自爆借財務還錢,形容「我哋去到絕路」。

其後雯雯接連出story反撀網民,直言自己把口唔收:「幫助唔到我嘅人,請不要阻止我把口講嘢!」,又指自己想出去打工但「現實我又暫時唔容許咁做」。

連日在IG抒發情緒的她,日前再出長文表示自己「冇癲到」,只是發生太多事令她「面對唔到同有爆煲嘅情況」。她自爆手頭上只有200元現金:「要自己照顧兩個仔同成個屋企,現金只係得$200,所以有啲驚同唔識應對」,又透露曾有輕生念頭:「有太多我唔知情嘅事情發生,去到我知道嘅時候已經係畀人鬧緊嘅時候,所以開始有啲睇唔開,有自殺嘅念頭,我承認我係有唔成熟同太脆弱」。

幸好最後她想通,告訴自己要堅強生活:「但係當我去到我流眼淚嘅時候,個仔會埋嚟摸吓你,幫你抹走啲眼淚,當我唔開心嘅時候,佢好似明白咁樣,過嚟拍吓你摸吓你嗲吓你。嗰一刻我先醒覺,我唔可以放棄,因為我冇權帶走佢哋嘅生命,嗰一刻我同自己講我一定要堅強,要努力面對一切,先可以陪伴到佢哋去佢哋之後嘅人生」。最後她表示會好好組織自己的人生:「我亦會好好組織自己嘅人生,我唔會再唔夠膽抬起頭望人,因為我哋只係爭人錢未還晒,而唔係去逃避要去走數,所以其實我係唔需要抬唔起頭做人,我亦會好好問清楚同組織好,欠我老公朋友嘅錢。我相信只要我哋願意去努力,我哋一定可以好快,報答到同還清所有嘅金錢」。

之後她在story表示關閉IG,努力做好一個媽媽。有網民建議她申請綜援,雯雯就指老公現時有工作:「我哋仲有能力嘅時候我覺得冇需要去申請,我相信我哋家庭面對嘅問題只係暫時,多謝你嘅關心」。亦有網民質疑不可能只得200元現金,直言「買罐奶粉都唔夠喎?」,雯雯就表示「我只係發表我當時自己面對緊嘅嘢,亦唔係要別人去探討我講嘅係唔係事實,我嘅問題暫時亦已經得到解決,我仲可以照顧到兩個仔」。

圖:IG@雯雯、張致恒

【求助熱線】

生命熱線:23820000

香港撒瑪利亞防止自殺會熱線:23892222

醫院管理局精神健康專線:24667350

東華三院芷若園熱線︰18281

撒瑪利亞會熱線︰28960000

社會福利署熱線︰23432255

利民會《即時通》:35122626

賽馬會青少年情緒健康網上支援平台「Open噏」

明愛向晴熱線﹕18288

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓