人氣偶像姜濤22歲生日，一眾姜糖豪花近百萬元買下多個巨型廣告，更在銅鑼灣某商場租下一日店舖，佈置成姜B生日打卡點，打造成「姜濤灣」，吸引不少「姜糖」朝聖。姜濤為答謝一班粉絲的支持，深宵排完舞回家後，便開live和fans傾偈，更自爆在前日綵排時一度暈倒不省人事。
姜濤凌晨開live時，最多有過萬人睇直播。他除了感謝粉絲悉心安排的生日驚喜外，亦心痛fans大灑金錢：「其實寫卡已經好好，對一個由細到大冇乜收過禮物嘅我嚟講，收卡已經好好，每一個人祝福都收到，可能之前嗰22年冇乜收過，上天一次過彌補返畀我。」
與此同時姜B都有深情剖白，講到因為壓力太大，所以情緒不穩：「《叱咤》完咗到而家都有差唔多半年，呢段時間發生好多嘢，確實未消化得晒，好多嘢嚟得好快，攞到獎當然係好事，因為大家鍾意我同我啲音樂，係好開心，但同時壓力亦大咗好多，尤其呢排情緒好差，直到兩日前都成日發脾氣，希望之前因我發脾氣而影響到嘅人，講聲唔好意思。」
直播接近尾聲時，姜B自爆日前綵排時，在體力透支下暈倒：「排排下舞，突然之間暈低咗，我事後先知道，可能真係太眼瞓、太攰，有啲暈，加上全日冇乜食嘢，就突然之間暈咗，好白癡呀……呢件事，咁我有食返嘢嘅，所以大家唔使擔心。」令粉絲感到大為擔心，而姜B自言完成演唱會後就會放長假休息，最想隻腳快點好返，亦再次感謝粉絲：「多謝大家咁睇得起姜濤呢個人！」
圖： ig＠姜濤
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
