Anson Lo家姐外貌被指神似巨星楊紫瓊 盧瀚霆公開家人近照 網民形容兩父子幾乎倒模一樣

2021.05.16

25歲的MIRROR成員Anson Lo(盧瀚霆)日前在一連六場的MIRROR演唱會上穿著設計特別的服裝,腹肌霸氣側露,甚為魅惑。而Anson Lo的父母都有在母親節當日出席支持,一家人連同家姐就在尾場齊齊現身,非常溫馨。而早前教主兩姐弟就曾經一起拍片,令家姐於鏡頭前曝光,樣貌更被指神似巨星楊紫瓊。

Anson Lo(盧瀚霆)日前完成第四場演唱會後,喜獲家人到場支持,以另類方式過一個特別的母親節。Anson Lo其後在IG寫道:「教父教母駕到,今年嘅母親節過得不一樣,其實每一次上台,都會諗起我由細到大你地一直教我:『一係就唔做,一做就盡力做』希望你地會為我感到驕傲。」更大曬對爸爸媽媽的愛「I love you mum & dad」。

不少網民見到Anson Lo父母都留言指兩位非常年輕,而隊友Edan更話「教庭降臨」(教主是Anson Lo的暱稱,「教庭」意即教主家庭)。雖然Anson Lo的父母並非首次曝光,但盧爸爸與兒子幾乎倒模的樣貌就成為了網民焦點,兩父子五官餅印十足,尤其同樣鼻大大,眼睛一樣神複製。

另外,家姐就在尾場演唱會才現身,一家四口非常溫馨。而兩姐弟上年就曾在Anson Lo的個人youtube頻道拍片,由弟弟幫家姐化歐美妝。影片所見,家姐皮膚黝黑與Anson Lo的白晢膚色相映成趣,而家姐樣貌就被不少網民拍神似國際巨星楊紫瓊,整個面相都非常相似,更有人講認錯都唔出奇。另外,都有網民話家姐的嘴巴似舒淇,相當有趣。

 

圖及來源:IG@Anson Lo、Youtube@Anson Lo

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】西班牙Valor無添加糖85%黑朱古力!↓

↓ Bean to Bar生產 / 不含麩質!準時入App換領! ↓

 ↓ Bean to Bar生產 / 不含麩質!準時入App換領! ↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章