向海嵐（Anne）跟王賢誌（Vinci）早前出席公眾場合做剪綵儀式，「疫市」有工開，在席間分享了不少近況，例如向海嵐將擔任TVB的香港小姐導師，以及王賢誌婚後5年的凍齡心得。
向海嵐跟王賢誌被讚凍齡有術，兩人異口同聲表示心態決定狀態，保持心境樂觀開朗是秘訣之一。Anne坦言自己在保養方面下了不少功夫，更分享keep fit心得。「其實去年全年疫情影響下，自己都比之前注重健康，即使每天點懶都堅持在家做30分鐘簡單運動，晚上六點後則戒食澱粉質，亦有食保健產品。」
不單有代言工作，份屬1998年度四料香港小姐冠軍的Anne，稍後更會為今屆港姐競選擔綱導師一角。「其實詳細要做些甚麼還未知道，但自己港姐出身，眼見佢哋今年咁重視香港小姐競選，當然好開心，佢哋有呢個構思好好，自己希望以過來人身份俾貼士師妹，我應該唔算係好嚴苛嘅導師。」對於舊作經典劇集《無頭東宮》最近又被網民追捧，成為最想重播劇，Anne大表驚喜，更估不到網民會喜歡。「都成20年作品，自己睇番當時演技真係好差，有好多改進空間，不過作為集體回憶都OK 。」
至於王賢誌好直接說：「我過咗五十歲就唔係秘密，keep住運動好重要，自己都好好彩，遺傳下手手腳腳都瘦，所以望上去就fit啲。」但好多人結婚後都會「幸福肥」，Vinci跟另一半Kevin 卻越愛越fit。「我哋結婚就快五年，但大家一齊生活就已經好耐，拍拖時候都試過有幸福肥問題，加上我飲食方面唔算好小心，好喜歡食煎炸及肥膩嘢，反而佢就好節制，雞皮一定唔食，做運動恆心又堅定過我，我有時太熱就推遲明天才做，他在身邊就不時鞭策我，見我食雞皮又『喝』一下阻止我，互相影響下，大家都有好多好嘅影響。」
講到幕前演出，Vinci透露將在熱播劇《逆天奇案》最後的七集亮相，並揚言所飾演的律師角色跟本身的形象截然不同；雖然有時會有戲癮，但公務繁忙的Vinci自言總不能像以往般捱更抵夜，現在拍劇只會遇到好的劇本和時間才接拍。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
