【調教你MIRROR】Frankie寡言性格被批隱形人欠定位 獲讚最靚仔成員但花姐狠言完全睇唔到呢個人

文: 羅志宏
2021.06.17

ViuTV真人騷節目《調教你MIRROR》日前的第六集講起成員Frankie(陳瑞輝),他在隊內沉默寡言的性格,經常被批評是一位隱形人。花姐雖然曾跟梁祖堯大讚Frankie靚仔,但亦直言:「完全睇唔到呢個人」。對此,Frankie就剖白了他的內心世界。

節目組問到Frankie有什麼需要被「調教」?Frankie(陳瑞輝)直認:「花姐覺得我成日唔講嘢」。於是就開門見山話自己「好多時候都有話說不出,其實我係知道好多嘢,只不過係我冇講出嚟,但係我唔講,人哋就唔會知」。Frankie透露心聲表示「慢慢去到(入行)第二年,對自己在團內的定位,連自己都睇唔好自己」。

花姐同梁祖堯講:「Frankie已經31歲,佢到而家都未有一個突出的成績,完全因為佢嘅性格,完全睇唔到呢個人!」。花姐更指出Frankie是一個優柔寡斷、懶散的人,更指他「學啲唔學啲」,有著半途而廢的心態,就令花姐希望梁祖堯調教Frankie學會如何努力。

回顧Frankie在《全民造星》第一季參加比賽的時期,身為一名舞蹈員的Frankie就話:「都想試吓企喺前面」;花姐亦講起當初簽Frankie入MIRROR的緣由,因為另一位經理人寶姐誇讚Frankie非常靚仔,但花姐就因為他的低調存在感而未察覺到,直至看到有Frankie的鏡頭,就話「都OK靚仔嘅,咁簽啦」。

其實早在之前MIRROR演唱會圓滿落幕後,花姐曾在社交平台IG點評各位成員,講到Frankie的時候就話:「我經常會聽到人講『嘩!Frankie 真係好靚仔呀!』但呢句讚美嘅說話相信唔係我同Frankie 最想聽到。」,更大爆Frankie「呢兩年,佢迷惘過,沮喪過,好似搵唔到自己定位。」演唱會過後,花姐更好開心聽到「唔係只有『Frankie 好靚仔』呢句,仲有『Frankie跳舞好charm,唱歌幾好聽』」。

外表帥氣的Frankie,在鏡粉之間亦獲廣泛認證為MIRROR團內最靚仔的成員,而Frankie私下就有一名任職舞蹈員的圈外女友Hei,兩人拍拖拍拖逾10年,非常長情。



圖及來源:節目截圖、IG@Frankie

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓