【七救星】七師傅搞笑無下限純情學生妹look示人 練美娟強吻七仙羽玩結婚塞腸入樽

2021.08.21

七仙羽師傅綜藝節目《七救星》最新一集尺度同搞笑都無下限,為一直未有緣的練美娟招桃花,仲搞到好大,與對方結婚擺埋酒。練美娟最初以為七師傅係神棍,但最後都奉陪到底,獲網民大讚:「你之後一定會紅!」

練美娟一直都大呻自己一直只有霧水姻緣,而七師傅表示娟姐前世係男人,欠落一個女人情債,以致前世情人的怨念帶到今世,所以要娟姐化身娟哥,兩人要結婚擺酒,以完成上世情人的心願,釋放練美娟的姻緣。

七師傅為了與練美娟結婚,不惜穿回學生裝,網民見到忍唔住噴飯。而娟姐都唔輸蝕,女扮男裝溝師傅,配合度超高,不過她寧後笑言自己「到而家都唔知拍咗啲乜」,貫徹七師傅無厘頭的特色。後來練美娟化身新郎要玩遊戲,更被要求玩意識大膽的遊戲:塞腸入樽,她都一一做了,十分玩得。

鏡頭一轉到婚宴場地,七師傅更當場宣誓,笑料百出,練美娟當場強吻七師傅,令在場人士都笑到肚痛。最後七師傅當場「派綠帽」,結完婚又宣布離婚,再宣布自己結婚。原來七師傅男友阿龍都在場,所以一雞兩味,順埋用埋個場與男友結婚,令網民笑到肚痛,更大叫:「師傅唔紅,天理不容!」同是也大讚娟姐玩得,希望她會大紅。 

圖:viutv 

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

輕掃查看其他優惠