全民造星陳葦璇 米白+淺木色IG-able韓式家居 收納+裝飾小貼士+教影呃LIKE靚相

2021.09.27

平時喺社交網絡平台見到《全民造星3》亞軍得主陳葦璇(又稱爆璇、璇璇)嘅屋企,見佢同至愛寵物囝囝囡囡影嘅相真係非常吸睛。而一直鍾情韓式家居style嘅璇璇,一手一腳將自己嘅家居佈置成超級IG-able 嘅樣板屋般,每個角落都係影相位,仲吸引到身邊嘅朋友去佢屋企影相打卡㖭!究竟,璇璇係點樣佈置呢間咁IG-able嘅屋企呢?佢仲同大家分享一啲收納及粉飾家居嘅小貼士。

璇璇的IG-able家居,以淺白、白色及木色為主,給人一種放鬆及舒服的感覺。


璇璇與愛狗小新及愛貓粒子,居住在一個約600呎的安樂窩。屋企以米白、白色及淺木色做主色調,給人一種舒服及relax嘅感覺,「因為工作時已經很疲倦,回家時希望有一個令到自己可以 refresh嘅環境。」工作以外,璇璇最愛宅在家,最大興趣就係陪伴小新及粒子,及整理屋企,所以對居企環境甚為講究。更不時會將家居的生活照上載至社交平台,吸到唔少like之餘,朋友更會去佢屋企影相打卡,絕對係一間超級IG-able嘅樣板屋。


閒時除咗鍾意睇日韓家居影片外,更會睇家居書籍吸取設計靈感。

璇璇表示,工作之外,最鍾意留喺屋企 hea及執屋,所以屋企先可以經常保持簡潔感覺。

講到其中一件最愛的家品,璇璇說就是這張原本的梳粧枱,除了質感及外型非常好之外,更有大量收納空間。


從日韓影片吸取靈感
閒時宅在家嘅璇璇,好鍾意睇日本及韓國家庭的家居影片:「因為影片大多數的風格,都是以木系及淺色系風格為主,而這種風格給我一種很舒服及放鬆的感覺,所以便希望家居可以有同樣的風格。」璇璇屋企以淺色系為主,在選購家品時都會以這個色調出發,「我會限定自己是揀選米白色、白色、淺木色,而梳化這個灰色,是因為灰色比較便宜。」至於吸引少朋友嚟影相打卡,璇璇話:「唔係因為想做一間打卡屋而設計成咁,係因為日及韓式風格本身就很適合影相。」除咗睇片,仲會睇家居設計書籍吸取靈感。


淺白、白色及木色為主調,梳化卻是灰色tone,璇璇笑話因為比較便宜。不過,她已經諗到解決方法,就是購買同色系的梳化套。


璇璇話大部份家具都是在網上購買,之後再自己組裝。這樣便可以減低開支。


璇璇家中光線充足,加上同一系色的家品,就算手殘都可以影到靚相。


分享家居收納、粉飾小貼士
韓式或日式的IG-able家居,不論是甚麼風格,重點就是簡潔!家中不會出現太多雜物,璇璇笑言在這方面有點強迫症:「我覺得顏色是最重要的,以及簡潔的程度,我不喜歡家中有很多與風格不一樣嘅雜物。例如,我有一個運動型嘅書包,用完之後,我會立刻收起,唔想這個空間出現與風格不一嘅東西。」

要保持家居簡潔,除咗要勤整理外,璇璇亦有小貼士畀大家:「我會買同一色系的收納袋收納箱,用嚟擺放雜物;就算再多雜物,望落去感覺都會較整齊。」另外,想令牆壁無咁單調,「可以喺牆上貼一些明信片及照片,隨住心情或季節轉換,為家中作小點綴。」
除咗淺色系的韓式風格,璇璇表示想嘗試不同風格,增添新鮮感:「因為韓國都有好多不同風格,大概分為木系、還有色tone較深的森林系,會擺放很多植物;還有全白色,所有家具都是白色,以及比較colourful嘅元素,例如紅色、藍色及黃色配搭家居。 有機會的話,都希望嘗試一下。」


連家居的小擺設,都是同一色系,令感覺更加統一。

璇璇話,好多韓國的YouTuber家中都有這個座地櫃,除咗可以儲物之外,亦是一個影相靚位。

在睡床旁擺放了最愛的畫作,增添氣氛。


家居養寵物要注意
璇璇的家除咗有狗狗小新及貓貓粒子兩隻愛寵外,最近貓貓粒子成為母親,生咗4隻小貓B,家中非常熱鬧。問到她養寵物的家居要注意些甚麼時,她說:「如果家中有種植物的話,要注意是否對寵物有害;其次就是,如果養貓的話,記得緊閉門窗。」
而璇璇的家廚房是開放式設計,會否怕小新及粒子搗亂及受傷呢?璇璇笑答:「唔會呀,因為小新根本跳唔到上去。至於粒子,從領養回家起,從來都冇打爛過我一隻杯。」


雖然係開放式廚房,但小新同粒子都非常懂事,無打爛過璇璇任何家品或受傷。

這個電視機型的床頭櫃,就是粒子睡覺的地方。

要與寵物自拍靚相,璇璇表示最緊要3:7面,如果還是覺得肥的話,可搵寵物遮掩一下。

想睇多啲璇璇與囝囝囡囡靚相:

【info】
陳葦璇 IG:hahakirac
小新IG:chan_shin822
粒子IG:particlecat



text/Theo
photo/Kee
立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

評語

獨家優惠

  • 【新會員限定】廚房消毒濕紙巾10片裝

    維達

  • 【至筍貨】OPTI-FREE® PureMoist® 多功能消毒隱形眼鏡藥水(60ml, 加送萬寧HK$5優惠券)

  • 二人同行享95折優惠

    The Handcrafter 純銀黏土製作體驗班

  • 更多優惠

輕掃查看其他優惠