全民造星4| 23歲護士Ash擁天籟之音甜美歌聲人美心善 箍牙混血外表被指撞樣Angelababy

2021.11.17

ViuTV選秀真人騷《全民造星IV》最新一集由81號的Ash對戰26號的WINKA。81號的Ash憑著甜美聲線,被大讚是天籟之音,而且被戴穎笑指其撞樣Angelababy。不過,Ash就被WINKA擊敗而落入淘汰區,故獲網民選為「一定會復活」的選手。而Ash對於其結婚、有老公的傳聞,更在IG公開回應事件。

Ash對於網上流傳有關她早已結婚成為人妻的種種傳言,於IG公開回應事件:「見到好多人對我感情事好有興趣。但參賽以黎,咁多位參賽者都想好好保護另一半同屋企人,我都同樣,只係同左比賽最熟嘅朋友,同工作人員講,因為我準備好同大家見面,可能屋企人未必。諗返起當初想參加,佢第一個舉腳贊成,因為佢知道我有幾中意唱歌,係我想放棄嘅時候鼓勵我,一直覺得我有能力同要比出面嘅人認識,所以先至會有大家琴日喺電視上面見到嘅81號Ash。搵到一個同你冇血緣關係但永遠無條件支持你嘅人,見到有人鍾意我比我自己更開心嘅人,我只知道我應該要做嘅就係珍惜,因為人生可以好短暫。所以不論係另一半定係呢一個比賽,選擇左我就唔會後悔。」

________________________________________________________________________________

在最新播出的一集,由81號的Ash對戰26號的WINKA,是一場實力唱將的對戰。Ash頂著導師的高評價出場,除了被大讚「箍牙都咁靚」之外,一副混血味濃的外表更被戴穎指她撞樣Angelababy。Ash以英文歌《All About That Bass》出戰,發揮出應有水準,獲讚歌藝有一定功力,歌聲療癒心靈。

現年23歲的Ash(姓名:鍾卓穎),現職為一名作為新生嬰兒深切治療部的護士,Ash指參賽原因與工作需面對的生離死別有關:「有啲BB照顧咗好耐,但係可能到佢兩歲嘅時候就要離開世界。個刻就知道唔係每個人都可以活到我呢個歲數。如果仲要為咗自己嘅膽量而去放棄一啲可以嘗試嘅嘢,將來一定會後悔。」 

Ash在首輪面試時,憑著甜美的聲線已經令導師以及女團經理人戴穎(Wing)留下深刻印象,就連花姐看過其表演後亦大呼:「我鍾意佢呀」。阿祖大讚對方一開聲唱歌就如同天使一樣,有著天籟之音,坦言被其歌聲感動到說不出話來;Wing則被她的歌聲感動到眼濕濕,評價不俗。

一眾評判看完Ash表演後,亦被她的歌聲融化。Ash即席演唱了一小段JW王灝兒的《矛盾一生》,被當奴大讚飽享耳福。而節目主持強尼亦罕有地私心指十分喜歡聽Ash唱歌。另一邊廂,因Ash的對手是歌手陳泳伽(WINKA),兩者實力相同令三位評判難以選擇,最後就由WINKA全取三盞燈晉級。 

綜觀Ash的個人IG社交平台,雖然天使自拍照不多,但從寥寥數張相片中都能看得出Ash某幾個角度撞樣Angelababy,加上自小受哥哥家姐唱歌的影響,發掘出歌唱的獨厚天賦,雖然者時跌落淘汰區,但憑著人美心善的特質就大受網民追捧,瞬即被選為「一定會復活」的選手。





圖及來源:節目截圖、IG@iamashleyyy___

下一頁

立刻訂閱Telegram優惠頻道:

↓會員迎新禮遇150 U Fun換禮遇↓

↓ 立即入App到任務區領取 ↓

立即入App到任務區領取

評語

獨家優惠

輕掃查看其他優惠