今次同師傅去睇一個位於馬鞍山嘅三房單位。有別於之前睇嘅兩個單位，今次師傅有好高評價，單位屬丁財兩旺的到山到向屋，需要改動嘅嘢並不多。之不過，亦有一啲住宅常見嘅問題出現：開門見灶及廁所對房門等等，又睇吓師傅點講啦！
過往羅雲龍師傅睇嘅兩間住宅，於風水角度嚟講都出現唔少影響住戶健康、財運及感情問題。而今次呢個單位，師傅就覺得問題不大，兼評價甚高。「以七運來說，呢間係到山到向屋，會人丁兩旺。沒有太大問題。」不過，這個格局的屋，都是睇運勢，師傅續說：「到山到向屋都是睇運勢，曾經睇過一個間屋，屋住是商人，七運時基本上運氣不錯，但過了七運後，便弄至破產。」
幸好，這間屋踏正七運，只是落位還差一點點，但沒有太大問題，只是改善其他問題後，一家三口可以住得更舒服及順遂。
望海樓未必好！
到山到向是玄學四大局的其中一局，指的是丁財兩旺。師傅表示，到山到向局又未必一定好，要睇埋巒頭及山水是否能夠配合得到。
成日聽人講，「望海樓好呀！水為財呀嘛！」喺風水角度又係咪好事呢？師傅就以今次呢個單位為例作解釋：「前面的海景都頗不錯的，風景亦不錯。不過這個海的水，幫不了這間屋。如果落正的話，便可以真正到人財兩旺，而且名堂都不錯，可以望到公園。
「惟一破敗之處，應該說是少許缺憾的是，海岸綫是凸出去，而不是凹入去，如果彎彎地入嚟嘅話，就更加好。」
至於水為財嘅話，都視乎位置以及海浪的大少：「水為財來說，是要靜水。但靜水並不代表死水，例如說這間屋望到的海景，是頗不錯的，算是頗平靜的，亦會流動，這些都是好的。但如果浪太急的話，對財運方面是有問題的。」
到山到向註解：風水受時間，即理氣的影響。從2004年到2023年，地球進入二十年的八運當中。在八運之中，以下六種山向（乾山巽向、巽山乾向、丑山未向、未山丑向、巳山亥向及亥山巳向），稱為「到山到向」，坐落這些方位之上的住宅，都會丁財兩旺。
座廁對門再對房門
喺風水角度，睡房係養氣嘅地方，而廁所就係排泄之處，兩氣會相沖。從而會導致有慢性疾病。至於洗手間對門，會形成「上水」直通「下水」格局，不利財！
今次這間屋，出現座廁對門再對房門嘅問題，師傅就話：「影響健康及財運，最簡單及最有效嘅方法，就是經常關上廁所門。」除此之外，主人房經常都連埋廁所，亦有機會影響健康同夫妻感情：「這間房的套廁，廁門不是對正睡床，所以問題並不大。如果座廁對門再對床的話，容易有婦科病，及夫妻感情易出問題。所以我還是建議關上廁所門。」
玄關/走廊燈常開 助氣場
經常聽說，玄關及走廊要長開燈。原來保持光亮，會增強住宅氣場，運氣自然會好，所以師傅建議大家在這兩個位置常開燈。「不用由朝開到晚的，睡醒便將燈開著，到晚上睡覺時關掉，雖然這樣做不是太環保，但建議工作時，最好還是將燈開著。」
另外，廚房方面並沒有水火沖及火燒天門問題。但就有開門見灶，會容易引致財庫外露。
最簡單的解決方法，就是門常關。
【info】
Facebook：羅雲龍玄學工作室
玄學預約： 6876 3689
【蝸居睇樓團】上門睇風水！玄關燈要常開、開門見灶易漏財、廁所對房門影響健康
Text/Theo
Interview/Yuen
Photo/ Kee
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
