疫情期間小孩長時間在家，網上學習外亦看多了電視、玩手機及打電動，對雙眼造成很大負擔，家長們如何初步判斷小朋友是否近視，若要戴眼鏡又應如何選購？是次找來註冊視光師Dave教路，分享小朋友驗配眼鏡需注意的事項。
患近視成因
近視年輕化，愈來愈多小朋友戴眼鏡，Dave指出先天因素包括遺傳及種族，而後天因素主要是不良的閱讀習慣，「經常用電腦、手機等近距離物件，誘發近視加深，加上香港普遍生活空間小，令視覺空間狹窄。」
幾歲驗眼？
當家長發現小朋友望遠處時瞇眼、看電視或書時的距離變近等，都是患近視的徵狀，要找眼科醫生或到眼鏡店找視光師檢查一下。Dave 建議一般情況下，孩童到了3 歲可作首次驗眼，近視或散光75度或以上，就應該要佩戴眼鏡了，「若度數及視力穩定，每半年驗一次眼也是需要的。」
想子女戴眼鏡戴得舒服又穩陣，要考慮鏡片、鏡框、鏡臂及鼻托設計等多個因素。
家長應帶小朋友定期驗眼。
部分眼鏡店除了基本驗度數之外，亦設有進階眼睛健康檢查，提供量度眼內壓、雙眼協調能力、色覺普查等服務。
鏡框應選取塑膠或鈦金屬，既襟用又可減少危險性及過敏情況。
小朋友近視或散光超過75度或以上，Dave認為應該要配戴眼鏡了。
好動的小朋友，可選擇鏡腿可拉伸、接口處附有磁石的眼鏡。
揀眼鏡 5大貼士
小朋友跳跳紮，不少家長以為眼鏡不易跌爛就叫好，但Dave認為戴得舒服兼視野清晰才最重要，不妨參考以下幾點，以便更易選購一副優質兒童眼鏡。
Point 1 鏡片與眼睛中心位置
可用間尺協助量度，留意鏡片與瞳孔中心位置有否重疊。
✔正確示範
X 錯誤示範
Point 2 鏡框闊度
避免鏡框過窄或過闊，太闊會容易鬆脫、過窄容易令小孩頭痛不適。
✔正確示範
X 錯誤示範
Point 3 鏡臂長度
每副眼鏡的鏡臂長度因鏡框設計而異，需注意戴在耳部的鏡臂長度是否適中，避免過長或過短。
✔正確示範
X 錯誤示範
Point 4 鼻托設計
小朋友鼻骨較低，選擇可調節高度及角度、橡膠製的鼻托設計，會戴得較穩陣及舒服。下方眼鏡有可調節高度及角度的鼻托設計，上方則不能調教，容易下滑。
Point 5 心水款式
為令小朋友更加願意戴眼鏡，Dave認為父母應尊重子女意願，讓他們選擇自己喜歡的鏡框款。
眼鏡保養 3 大貼士
疫情下，清潔眼鏡已成每日指定動作，但Dave指出以酒精消毒鏡片有可能損害鏡片鍍膜，想小朋友眼鏡更襟用，以下保養小貼士要知！
1.用常溫水加入中性梘液或清潔劑清洗，避免用太高溫的水，或會令鏡片出現花痕！
2.切忌用衣服或粗糙紙張來抹，建議用專門的眼鏡布，順著同一方向擦抹，來回磨擦容易造成花痕。除了鏡片，記得要一同清潔鏡框及鼻托啊！
3.先將眼鏡布鋪在眼鏡盒底部，將鏡片朝下收進盒內，以防刮花。如使用眼鏡袋，應先以眼鏡布包裹鏡片再放入袋內，避免沾上污漬。
text/zuki
photo/Kee
venue/Zoff
========
同場加映
【蝸居睇樓團】觀塘自置公屋工業風＋現代感 : 紅磚特色牆、輕奢風浴廁
▼緊貼最新疫情消息▼
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
