好多人都想抽中居屋上車置業，但奈何抽中居屋隨時同中六合彩一樣咁難！於是好多人轉而購買樓齡較高嘅白居二居屋，但原來樓齡達約20年嘅居屋，銀行未必批到高成數按揭，或者會將還款年期縮短，在網民甚至在連登討論區發帖：「點解有人買超過20年樓齡白居二？！」，網民嘅意見都好值得參考喎！
樓齡過20年 只能做6成按揭？！
其實現時無論係綠表或白表買家購買一手居屋，係會有房委會做擔保人，最高按揭成數分別可達樓價嘅九成半及九成，還款期25年，只可以選用P（最優惠利率）按，由首次發售日期起計，房委會為居屋擔保30年。但如果購買樓齡比較高嘅二手居屋，如約20年或以上嘅單位，若果臨近政府嘅按揭擔保期，銀行未必會批到如九成以上嘅高成數按揭，有銀行更會縮短還款年期，未必能批到25年。
如果購買樓齡較高嘅二手居屋，若果臨近政府嘅按揭擔保期，銀行未必會批到如九成以上嘅高成數按揭，還款年期亦未必能批到25年。
二手白居二自住用CP值高
發帖嘅樓主就表示：「一超過20年，就最多做6成按，而且好大機會做唔到25年按揭，就算佢買嗰一刻做到，3年後下手買家都一定借唔到咁多咁長年期，要放就一定要蝕放。同一嚿錢買私樓係細啲，但起碼走到貨。完全諗唔明點解啲人會買賠本嘅樓……買樓當然想賺住又賺升，成個巿都向上而得自己居屋向下，真係灰爆。奉勸各位情願買細私樓都唔好買未補價舊居屋，真係死路一條。」
有網民為買舊白居二辯護：「抽唔到新居屋囉，或者超入息，因為白居二同新居屋係兩個唔同嘅負擔能力嚟」、「佢哋諗住一步到位，買咗呢間就住一世囉！」、「好多居2，500萬買到500呎，交通又唔錯，想點？ 買過樓未？」，但樓主再度勸網民唔好買高樓齡嘅白居二：「買居2唔係問題，但買超過接近20年樓齡就奶嘢。銀行一係就最多借6成，或者借30減樓齡，可能10年多少少，仲要係p按。咁蝕底都走去買居二，將來諗住轉手又難。」
抽唔到新居屋，若果為自住，白居二不失為一個實惠嘅選擇。
樓主其實唔反對買白居二，但認為一定唔可以買樓齡近20年或以上嘅屋苑。
買高樓齡白居二，將來要蝕讓？！
有網民唔同意樓主覺得買咗舊白居二單位，將來要蝕讓嘅睇法：「咁你要有好多居二蝕讓個案出嚟，先可以證實你講嘅野成立！龍蟠天馬依家幾錢一呎？$5,000未補/$9,000已補都大把人狗衝吧？另外未補價居二可以補價賣，冇話蝕，最多叫做唔大升。」、樓主就回應：「龍蟠天馬放得嘅都係已補，已補嘅就同一般私樓冇分別，按揭同利率都跟番私樓。白居二嘅就唔同了，一過左20年呢條分界線，就係西冧價。而家未浮出來啫，但到呢班人日後想放，就會發覺巿場冇乜承接，因為吓吓拎4成出來做首期唔易。」
關於樓主最關心嘅按揭問題，網民亦覺得唔算係大問題：「到時最多咪補價賣，愛蝶44%折扣率，計埋補價，呎價頂多15、 16K，港島21年樓齡16K唔貴啦！康山35年樓都唔止16K！借6成唔使理房署擔保期，借多過6成，要睇擔保期，只係因為未補居屋免按保，未補價借多過6成，先會有機會做唔到25年，借6成就照樣可批25年。」、「唔會因為佢未補價，借6成都做唔到25年，純粹係有咁大舊首期一般都唔會考慮未補居屋，只貪大件買已補仲抵，而且可做足9成按30年。」
樓主認為，如果買咗白居二屋苑，其實樓齡到咗約20年，要放盤亦有難度。
網民表示，未補價嘅白居二借按揭多過6成，先會有機會做唔到25年還款期，借6成嘅話，其實係可以批到25年。
text/Joyce
photo/HKET圖片庫
========
同場加映
【#蝸居睇樓團】小西灣舊居屋變身日式部屋｜客廳藏千本漫畫｜和式風呂浸缸
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
