網民嚴選5大行死人地鐵站出口!第1名雙冠軍超地獄/由月台行到地面要12分鐘/有出口長到有補給站

文: 黃卓瑩
2022.10.11

港鐵網絡近年不斷提升,就算去「山旮旯」地方都可以一程車就到。不過有時候由月台行到地鐵站出口所需時間分分鐘比車程更要長。最近有網民嚴選5個地獄級數地鐵站出口,最長要起碼12分鐘才能由月台行到上去地面,真係分分鐘「行死人」!

網民在連登討論區以「嚴選5個行X死人嘅港鐵站出口」為題發文,列出其心目中地獄級數的地鐵站出口,當中第5名為尖沙咀L5出口!

►App《U TV》專區超過50個自家製節目任睇

第5名:尖沙咀L5出口

樓主表示如果由尖沙咀站過去就還可接受,但如果由尖東站行過去最少要8分鐘,甚至一些紅區連行人輸送帶也沒有。

第4名:銅鑼灣站A出口

銅鑼灣站A出口可以直接通往時代廣場,如果由往柴灣方向落車,必須要去往堅尼地城方向的月台、再行段斜路出閘、再駁幾條扶手電梯才能上到地面。

第3名:宋皇臺站B3出口

通往宋皇臺站B3出口必須經過地下隧道途經九龍城南角道,路程頗遙遠。不過樓主表示沿途設有歷史文物展覽,夏天可以涼住冷氣睇文物打發時間。

第2名:西營盤站A2出口

由於西營盤站大堂與地面地勢相差較大,站內的出口都以長通道連接。樓主表示A2出口是另一條港鐵興建的時光隧道,真心行到傻!

雙冠軍:鰂魚涌站A出口&美孚站A、G出口

樓主表示鰂魚涌站A出口和美孚站A、G出口同屬雙冠軍!由將軍澳綫月台通往鰂魚涌站A出口,分分鐘會冇咗12分鐘;而美孚站A至G出口相隔遙遠,樓主笑指「佢都知你行到攰,收費區入面係有七仔俾你補給」。

不少網民紛紛表示有同感,形容「夏天行到燥」、「行極都未完咁」。也有網民提出其他地鐵站出口同樣地獄,包括何文田A3出口、香港大學C2出口、上環E出口、香港站往中環站路段等等,大家又點睇呢?

圖及來源:連登討論區、Google街景、MTR

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】Sweety Eyes by cl mall日拋隱形眼鏡!↓

↓ 韓國人氣品牌彩色日拋系列!/ 改變造型令眼妝再升級!↓

↓ 韓國人氣品牌彩色日拋系列!/ 改變造型令眼妝再升級!↓

↓【限時搶】Bamboo Salt竹鹽美白去漬牙膏!↓

↓ 有效去除牙漬及口氣!/ 牙齒回復自然亮白!↓

↓ 有效去除牙漬及口氣!/ 牙齒回復自然亮白!↓