裝修中伏｜裝修師傅做錯水電間錯牆 港女崩潰「想跳落去 」8招防中伏爛尾
裝修工程牽涉大量專業知識，一般業主未必容易理解。近日便有一位女業主因新居裝修工程大受困擾，形容師傅做錯水電間錯牆，工程錯漏百出，更反遭師傅指責，令她崩潰道「想喺個單位度跳落去」，獲不少過來人留言表示感同身受。有網民就曾分享避免裝修中伏8招，消委會也曾提醒大家，要留意裝修合約8大條款。
港女新居裝修錯漏百出 崩潰稱「想跳落去 」
該名女網民最近在Facebook群組「家居裝修分享谷」發帖，指近日住所進行裝修，然而裝修工程錯漏百出，令她身心疲累，
「師傅覺得啲客唔明，我作為女仔兼客人，我唔係做呢行又真係唔明，好想佢講清楚要買乜同點樣去配合」。
事主指事件起因或與她的預算太少，以致當初只能聘請裝修師傅而非設計公司，加上自言並非行內專業人士，導致彼此難以溝通，「師傅啲說話好似講緊外星文，但我真係好努力上網去查同學習，仲難過當年考大學，過程困難重重，今夜欲哭無淚…」
網民留言分享經驗
帖文引起網民討論，當中不少都是曾經裝修住所的業主分享自身經驗，「我都係女生，前年都係一個跟裝修師傅夾，全爆大裝間屋！我建議；你畫好大致平面圖，畫要幾多插頭位（單蘇定孖蘇），邊度要按燈制同燈位！之後上網Cap圖要大概邊啲款嘅傢俬，咩木色或地磚！廚房最好用高溫磚！地下磚要R6-9防滑！」、「我好多嘢都喺呢個group學㗎，睇得多就明。裝修係好多嘢煩，耐心啲，加油呀！」、「我情況同你差唔多，我要求嘅嘢差唔多全部都出問題，而家準備要拗數，好煩！」
👇🏻按圖閱讀更多網民意見👇🏻
事主回應：貼錢買難受
事主回應網民留言，指工程問題涉及水電出錯及造錯間隔牆等，惟現時已無法補救，「因為做好咗，拆等於由頭再造」，形容是「貼錢買難受」。她補充從未對裝修師傅有過分要求，「我冇同師傅拗過，只係樣樣嘢都好似結果係用唔到，有啲好緊要嘅嘢原來又冇做到，其實做唔到或者差啲咩，可以同我講大家改下設計。」
網民分享8招避裝修黑店防中伏
裝修新居動輒花費數十萬元，最怕遇上無良公司被騙血汗錢，早前便有曾經多次裝修的網民分享8個小貼士，助大家避開無良黑店：
消委會籲留意合約8大條款
消委會曾提醒，裝修報價單上應列明預計裝修需時，消費者亦需注意工期是否只包括工程項目，還是包括木工等項目，避免無了期的等待，報價單應同時列明兩者的施工時間。而在裝修工程開始前，消費者應向承辦商索取工程合約的條款與細則，並要注意以下條款：
- 注意工程開始及完工期，考慮有機會影響施工進度、施工期及完工期的情況，例如天氣、人為因素、工廠或運輸等；
- 注意後加工程的詳情、收費方式、付款方式及完工期，避免口頭承諾，白紙黑字加入報價單才可進行工程；
- 指定日期內完成執漏；
- 保養期的條款及細節；
- 如未能如期完成工程而產生的費用、賠償及計算方法；
- 如何處理報價單上的爭議或意見分歧；
- 任何一方終止已簽署的報價單的處理方法；
- 展開工程前，釐清哪一方提供第三者責任保險或家居裝修保險，並了解保單範圍、服務條款及細節。
相關文章：
有料爆? 歡迎報料！U Lifestyle WhatsApp 報料專線: 9610 1996
港生活人氣本地熱話
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
