細細粒減肥成功即引狂蜂浪蝶 男網友示愛追求：當我癡心妄想⋯⋯

「細細粒」陳嘉佳（小寶）近年在內地努力做帶貨吃播，去年4月開始決心減肥，現在直情「瘦出一個人」。不過，她曾自言目標是120斤（約72KG），距離目標還有35磅（15KG）。

細細粒在IG Po出減肥感言，指期待「夏天全新嘅自己」，「我期待冇咗一截截肥肉嘅自己，今年夏天全新嘅自己，期待新嘅自己，加油細細粒！過程係有汗，有淚，有辛苦，有成功感。但更磨練到自己，堅毅精神，堅持嘅信心。」

她又指今次減肥不容易，因為她不但有家族及基因肥胖的問題，更要與多囊及胰島素對抗。細細粒指：「我要比任何一個減肥的人更難成功減肥，但我已進行到一半，最後的35磅，也是最難的…我要更加努力。細細粒，加油！」

成功瘦身的細細粒非常恨拍拖，曾呼籲大家有男士可以介紹給她。而近日有名男士就在IG毛遂自薦，希望認識細細粒。他在細細粒的IG Post下留言：「妳好陳小姐，恭喜減肥成效⋯⋯我睇咗Youtube，我都係一個獨子，父母都現在已經80幾同90頭。我已經離婚四年！父母驚佢哋走咗後，只有我自己一個，所以我都嘗試自薦俾妳！唔知道是否天真妄想？我都想有機偶（會） 識到另一半到老，妳可以當我痴心妄想⋯⋯」未知細細粒會不會對該位男士有興趣呢？

+4

+3

點擊圖片放大

撰文：娛樂組

圖片：IG