食得怪先好嗌2丨陳安立飲生榨青蛙汁食天竺鼠 與陳俞希飲食節目變靈探即「瀨嘢」?

文: 程家健
2024.03.07

陳安立(Brian)與「ViuTV一姐」陳俞希(Hailey)主持的節目《食得怪 先好嗌》口碑相當好,去年底更入圍角逐第28屆《亞洲電視大獎》的「最佳一般綜藝節目」,近日載譽歸來,《食得怪 先好嗌2》今次飛到南北美洲,發掘不同驚喜料理,探討奇怪美食的來源和文化。承接上一季,主持們需要品嚐世界各地的古怪暗黑料理,誓要挑戰觀眾的視覺和感觀。

同場加映:Gi-Force演唱會補場|炎明熹大學成績表比預期中理想 投入工作未Feel到有追求者

今晚(6日)兩位主持跟隨導遊在秘魯市集採購食材,然後跟安地斯山脈的原住民,學習做當地傳統地鍋飯Pachamanca。秘魯的地鍋飯就是將不同種類的馬鈴薯、蕃薯和肉類等食材用香料包裹好之後埋入土地裡,然後用加熱的石頭堆積在地面上烤熟食物。看見碟上有不同顏色和形狀的馬鈴薯,Brian隨即搞笑說:「人生就好似秘魯嘅薯仔。」之後Brian拿起黃色蕉狀的蕃薯品嚐,吃得津津有味,大讚此蕃薯是人生裏吃過最美味的蕃薯。

Pachamanca製作步驟複雜,而且食物材料豐富,Brian形容:「只係一碟餸,你已經好似行走咗半個秘魯。山區嘅又俾你食到,雨林嘅又俾你食到,同埋用手食感覺好raw。」之後兩位主持跟導遊去體驗秘魯一年一度的大型節日慶典,現場人多擁擠,場面十分熱鬧。突然一位巡遊的表演者擁抱Hailey,「邀請」Hailey一起跳舞。一向熱情的Hailey被嚇到不知所措,而短暫的跳舞過後,Hailey只能苦笑:「佢快閃黨嚟㗎喎,冇仇報,仲要蒙住面。」Brian形容自己和Hailey如同巡遊表演者,原因是現場沒有其他亞洲人,所以倆人都受到當地居民的熱情款待。兩位主持除了被邀請一同跳舞和合照,有不少當地居民更成為了他們社交平台的粉絲,可謂將其娛樂事業拓展到南美。

Brian接受本網電話訪問,他表示:「今次同Hailey 同幕後原班人馬拍第二季《食得怪先好嗌》,轉戰美洲,去咗秘魯、墨西哥、美國,繼續每日起身挑戰十二道「瘋」味,搜尋世界各地古靈精怪美食。可能經歷咗第一季的成長,我同Hailey的接受能力都提升咗,『膽汁』都多咗,第二季製作組安排嘅食物更『黐線』。天竺鼠、草泥馬、生榨青蛙汁、昆蟲大拼盤等,全部都食到懷疑人生。不過好多賣相嘔心嘅食物,烹煮後,其實味道也不錯。反而有啲其貌不揚,以為正正常常,一放入口即刻後悔!最深刻係喺秘魯的水果市場,食咗一隻嘔吐果,外表好似一粒正常嘅梅,一咬落去,嗰陣嘔吐味湧哂出嚟,即刻作嘔。完全諗唔到點解當地人當係人間美食。」

除了古怪食物外,Brian和Hailey獲安排去探秘的景點,他表示:「其中一個好深刻嘅地方,係去咗墨西哥嘅惡靈娃娃島。傳說當年島主為咗紀念一個遇溺嘅小女孩,放置咗一個娃娃去安撫佢靈體。自此,就有嚟自世界各地嘅人,帶有靈體附身的娃娃放置島上,結果整個島都掛滿了令人不安的娃娃。」

拍攝完畢,Brian更慘遇「後遺症」,他說:「去嗰日要搭好耐船,好大霧,登島之後,幾乎快要入黑,氣氛超詭異同不安,好想快快手拍完就走。最離奇係拍完第二日,我隻手開始敏感出紅疹,返到香港,成隻手好似中咗毒咒,起晒斑,結果睇咗兩個月醫生先慢慢好轉。到而家都搞唔清,究竟係比惡靈娃娃詛咒?定係食得蟲多就比蟲咬?」

撰文:娛樂組

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】請您食卡樂B Potaland® 酸忌廉洋蔥味薯片!↓

↓ 濃郁開胃的酸忌廉味 + 香氣四溢的洋蔥味!↓

↓ 濃郁開胃的酸忌廉味 + 香氣四溢的洋蔥味!↓

【請您試用】韓國夏日防曬套裝☀️!

↓ 一次試勻4款防曬好物↓

↓ 一次試勻4款防曬好物↓