正在閱讀
區區有髀髀!全港邪惡炸雞髀小店地圖(Part 1)

區區有髀髀!全港邪惡炸雞髀小店地圖(Part 1)

2015.03.27

 

炸髀,又名炸雞髀,係香港極邪惡美食之一。佢又肥又油又熱氣,但你唔好理,一拎隻炸髀出嚟,個個都爭住食,沙律你同我行開。

一隻髀髀仲係唔少港人嘅童年回憶,細路仔喊呀?食炸髀啦!兩兄弟爭嘢玩呀?食炸髀啦!直到大個咗,發現雞髀仲可以用黎打人牙骹軟,人際關係都關佢事,幾邪惡呀哈哈哈哈。

我唔怕肥,我要髀髀!!全港邪惡炸肶地圖,Race Start!

#雞髀同雞肶唔係雞批 #以前有間連鎖快餐都好食往事只能回味

嚟Causeway Bay,梗係食返隻「Causeway髀」。丹麥餅店隻髀,係銅鑼灣人都食過。

丹麥嘅炸髀,唔算大,勝在入味,嗰層油,養大幾多香港兒女。利園同SOGO班蛇王,三點三集結丹麥,十七蚊,但求買返個天真。小編個fd,聖保祿睇完大夫一行出黎又話要食炸脾,丹麥唔惡咁邊個惡?

小食店企足超過40年,加咗十幾次租都做得住,你唔好話,留得住真係有佢原因。

肶肶大小:★★★
香脆程度:★★★
入唔入味:
係咪即炸:Oh yes!

丹麥餅店更多推介及地址:

http://hk.ulifestyle.com.hk/spot/detail.html?id=ABdGDlowBwpZEANu 

尖沙咀分店:

http://hk.ulifestyle.com.hk/spot/detail.html?id=ABdGDVowBwJZEANt 


即睇全文介紹
即睇全文介紹

灣仔港式快餐店買少見少,樂景係其中一間,堂食座位唔多,主要做外賣。

除咗丹麥,樂景係唔少脾迷聖地,生炸嘅髀肶熱辣辣跟碟上,即叫即炸,保證脆皮,快快脆趁熱食,唔好太喉擒。 

髀髀大小:★★★
香脆程度:★★★
入唔入味:
係咪即炸:Oh yes!

樂景快餐店地址:

http://hk.ulifestyle.com.hk/spot/detail.html?id=ABdGDloyBwxZFgNs 

即睇全文介紹
即睇全文介紹

炸靚肶唔淨係得快餐店有,呢間旺角舊冰室嘅炸髀一樣好出名。

中國冰室畀人懷舊感覺,文青仔check-in勝地。咁classic,好大原因係佢裝修用馬賽克風格,仲有閣樓,貪得意一定上樓梯坐卡位。電影迷一定識佢,《迷離夜》、《PTU》、《性工作者十日談》、《旺角揸Fit人》、《新不了情》等電影都喺度拍,點解?因為電影人最鍾意落冰室茶記度橋,度度下用埋個私竇嚟取景。

生炸髀一樣即叫即炸,印象深刻在一咬開脆皮之後,裡面啲雞油應聲喊晒出嚟,咩話減肥?你第一日出黎行? 

肶肶大小:★★★
香脆程度:★★
入唔入味:
係咪即炸:Oh yes!

中國冰室地址:

http://hk.ulifestyle.com.hk/spot/detail.html?id=ABdGD1o0Bw5ZFQNs 

即睇全文介紹
即睇全文介紹

第 4 站 太和三多 那夜凌晨我嚓上了一隻金黃色的炸脾

食完旺角隻肶,經已入夜,我坐上了旺角開往大埔的紅VAN,繼續搵髀髀。

有大埔居民話,未食過三多,你根本唔算食過炸髀,三多喺大埔區真係好響朵。

串住炸脾嗰支竹籤,係三多炸肶嘅記認,可選擇加唔加辣粉,夠晒惹味。縱橫咁多間炸髀店,三多最為脆口!連埋蜜糖爆珠珍珠奶茶,真係好Juicy。(套餐$43)

留意,三多只開夜晚直至深夜,夜媽媽先黎炸肶,心地唔好呀你,我鍾意呀!!而三多正對住林村河,係《紅VAN》最重要嘅取景地,哈哈哈哈夜媽媽望住條河幾過癮。

髀髀大小:★★★
香脆程度:★★★
入唔入味:
係咪即炸:Oh yes!

三多小食地址及營業時間:

http://hk.ulifestyle.com.hk/spot/detail.html?id=ABdGDVo3Bw5ZFANq 

相關周圍遊:坐《紅VAN》 走入電影中的大埔 

http://hk.ulifestyle.com.hk/tour/detail.html?id=ABBGD1ozBwpZHgNu 

第 5 站 食口福 超大隻,雞肉滑

新界嘅炸肶代表,仲有食口福。呢度嘅炸髀一個字,大!好Q大!

雖然一隻賣成$24,但佢真係好大隻,無返咁上下手力唔好諗住拎上手,用刀叉食把啦。食口福嘅髀髀重點係雞肉較其他店嫩滑,難怪曾獲高登巴打力捧。 

呢間餐廳畀人話過唔衛生,暗訪當日未見異常。 

批批大小:★★
香脆程度:★★★
入唔入味:
係咪即炸:Oh yes!

食口福地址:

http://hk.ulifestyle.com.hk/spot/detail.html?id=ABdGDlo7BwhZEQNp 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠