我地成日都衰一時衝動......亂買嘢。如果買完唔啱用，但唔捨得丟，可以點？今期周圍遊一於帶你去尋找香港4大「以物易物」嘅好地方，齊齊換換佢！自己唔要啫，實有人鍾意架，何況可以換啲對自己更加有用嘅嘢，做乜唔試吓？
第 1 站 換意店 儲印仔換心頭好
換意店平時儲開便利店或超級市場印花都要消費，但大家有無試過零消費，又可以儲印花，然後仲換埋文具、書、甚至電器？位於九龍城的換意店就可以有呢個體驗！店舖以會員制運作，有興趣「以物易物」的參加者只需要作簡單登記，就能獲得一張會員卡。然後每逢你捐出物品，就會得到相應的印花數量，再憑印花換其他物品，換呀換，慳錢又環保喔。
溫馨提示：怕回收的物件又殘又舊？放心！「換意店」內每件物品都9成新，而且功能良好呀！ (連美少女戰士球拍套裝都有得換！嗚呀！)
換意店前往方法：
http://hk.ulifestyle.com.hk/spot/detail.html?id=ABdGDVo3BwxZHwNi
第 2 站 碧街18號 每月首周日擺地攤
《碧街18號》係一個位於油麻地碧街嘅「實驗空間」，話明係「實驗」，當中就有無限嘅可能性，無話一個特別定位！而《碧街18號》過去就舉辦過義賣活動、不同形式工作坊，仲有暫定咗每月首周日嘅「以物易物」。呢度好自由：無需申請、無需報名，每個人都可以係搞手，只要你有心，搵岩時間就可以嚟架啦。
溫馨提示：由於活動不定期地舉行，所以去前最好問清楚負責人詳細資料呢～
碧街18號介紹及前往方法（Mark低個電話問清楚先！）：
http://hk.ulifestyle.com.hk/spot/detail.html?id=ABdGDVo3BwxZHwNj
第 3 站 22°N及Doughnut 交換書及手信
如果你有留意開皮革或者背囊用品，你應該對「22 Degrees North」不陌生。呢間位於深水埗、樓高3層嘅文化藝術概念店，早前舉行咗「以書易書」活動，以書會友；而另一本地品牌Doughnut就長期於店內有一個角落，鼓勵大家以手信交換手信。店內更貼滿來自世界各地嘅名信片，好豐富又好有人情味呢！
22 Degrees North前往方法及詳細介紹：
http://hk.ulifestyle.com.hk/spot/detail.html?id=ABdGDVowBw9ZEQNp
第 4 站 其他交換平台一覽 換埋技能、故事都得
除咗以上3個比較實體化、固定地接觸倒「以物易物」外，其實坊間都有其他組織不定期地舉辦相關活動，其中一個就係草原地圖，啱啱4月尾就喺香港大學舉辦咗一場以物易物！
有興趣者，請自己密切留意佢最新動向：
仲想要其他？Stay tuned，網絡力量是很大的。以下兩個網頁都係主打「以物換物」，後者仲要連「技能」都換得添，自己check them out啦。同買嘢一樣，出街換物前大家傾好check清楚，有咩誤會就唔好啦。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
【社群送禮】送您麒麟一番搾啤酒及「秋日和楓禮品套裝」！
↓感受浪漫氣氛，為秋日留下歡聚回憶！↓
