舊時落旺角掃街，因為無錢想食平啲；今時今日掃街，要食得飽，分分鐘貴過入餐廳食餐飯。
識掃街當然唔去旺區同遊客迫住掃啦，今期周圍遊帶你走入土瓜灣社區，搵出隱世好味雞蛋仔及咖哩魚蛋等街頭小食，$50以內包你食到飽一飽！
第 1 站 小食部 最原始的雞蛋仔
小食部最近雞蛋仔非常hit，有破格的雞蛋仔雪糕，亦都有日式抹茶紅豆雞蛋仔，味道見人見智。
如果你同小妹一樣，鍾情於最原始的味道，你應該會喜歡「小食部」所賣的雞蛋仔！小食部唔走花巧路線，只售原味，外層香脆，無硬崩崩的感覺；裡面則似蛋糕仔一樣軟腍腍，僅僅熟，最重要係只賣十蚊，價錢合理！
小食部位置：
http://hk.ulifestyle.com.hk/spot/detail.html?id=ABdGDVozBwpZEgNu
第 2 站 日昇小食 新鮮熱辣香煎韮菜餅
第 3 站 榮幸小食檔 招牌麻辣咖哩白魚蛋
榮幸小食檔的招牌有三樣：一. 紅色大招牌、二. 咖哩和滷水白魚蛋、三. 親切的老闆娘。
榮幸的咖喱白魚蛋特別受街坊歡迎，咖哩分普通及麻辣兩種口味，小妹極力推薦食得辣的你要試試麻辣咖哩白魚蛋，夠麻夠香，而魚蛋亦大大粒好彈牙，七蚊五粒！
榮幸小食檔位置：
http://hk.ulifestyle.com.hk/spot/detail.html?id=ABdGDVo3Bw5ZEQNv
第 4 站 世紀椰汁 白雪雪、軟綿綿椰子汁
掃街掃到半路中途口渴，飲咩好？
行幾步去到位於譚公道世紀士多，飲番杯新鮮椰汁吧！有別於坊間的果汁鋪，世紀士多唔用現成罐頭，而用大量椰子肉打成新鮮椰漿，加上少少淡奶和糖，甜度唔高但椰子味香濃，解渴最啱，$8一大杯！
世紀椰汁位置：
http://hk.ulifestyle.com.hk/spot/detail.html?id=ABdGDVo3Bw5ZEQNs
第 5 站 譚公道小食初記 抵食飽肚煎釀三寶
掃街最忌食唔飽，最後一站去到譚公道初記，務求塞滿你個胃！
10蚊五件煎釀三寶實在買少見少，雖然選擇唔多，但勝在大件夾抵食，仲可以任加食煎釀三寶必備的甜豉油呢，炸物中以紅腸最好味！
譚公道小食初記位置：
http://hk.ulifestyle.com.hk/spot/detail.html?id=ABdGDlo1BwJZHgNo
小妹發覺無論係小食店老闆，抑或店員都有一個共通點，就係笑容！無論買多定買少，有無幫襯，佢地都笑面迎人，真係食都食得開心啲！
活動資訊
- 地點
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
