正在閱讀
踩單車以外!大圍好玩好食逐點捉

踩單車以外!大圍好玩好食逐點捉

每逢周末,一走去沙田同九龍塘都覺得迫到爆,想吸啖新鮮空氣都難。於是,我決定轉移陣地,去佢地嘅中間點-大圍。不過,除咗踩單車之外,大圍仲有咩好玩好食嘅地方呢?睇吓以下5個景點,你就會發現,原來大圍係幾好玩der~

世上貓奴何其多,以貓為主題嘅cafe繼續開完一個又一個。不過,我相信喵星人嚟到呢度會好開心,因為呢度有成9隻貓!(輪流番工架佢地,平時都有6,7隻咁囉),而且基本上都唔驚人,所以大家可以盡情服侍佢地! 呀,如果驚貓貓們唔騷你,俾少少錢買包貓零食,咁要同佢地自拍就easy job啦!

地址及詳情:

http://hk.ulifestyle.com.hk/spot/detail.html?id=ABdGDVo3BwJZHgNj

即睇全文介紹
即睇全文介紹

古朴年代,一聽個名就知古味濃郁。入到去,果然有懷舊感覺,木色設計再加鎢絲燈炮、舊電話等,係raw係有feel嘅。(即刻打卡先!) Cafe空間感不錯,有board games玩但枱略嫌細;Cafe勝在裝潢有心思,而且有個寄賣站,出售手作人嘅diy作品及明信片。

地址及詳情:

http://hk.ulifestyle.com.hk/spot/detail.html?id=ABdGDVo3BwpZEANq 

即睇全文介紹
即睇全文介紹

第 3 站 坤記腸粉 麻甩的浪漫

作為吃貨,相信都知深水埗有間食腸粉好出名嘅,今次我地就帶你嚟到新界區,繼續食腸粉,獨自麻甩吓!話說呢間腸粉堅係正,可以用「晶瑩剔透」嚟形容,而且老闆娘好好傾,好想問下佢整腸粉嘅秘方添~(六條腸粉盛惠$10,都算係抗通賬價啦!)
 
話時話,坤記位於積福街,條街兩旁好奇妙地有好多salon;同埋旁邊仲有間大圍公立學校,荒廢咗成18年架!(夠薑嘅同我夜媽媽去過夜丫!)有興趣嘅可以睇下呢篇周圍遊介紹:

 《大圍村 圍情四百年》:
屋子咖啡,其實好多人識呢間cafe啦可(馬鞍山嗰間叫屋子生活嘅呢~),原因無它,因為佢確實係大圍比較罕見嘅文青cafe,仲要有家嘅感覺喎(哇!如果我屋企裝修到咁就好了...)

Cafe內主打台式混日式嘅輕食,試過迷你鮭魚丼,芝麻同三文魚確係good match;另外仲有其他名物架,例如香蕉朱古力窩夫同屋子咖啡(有個云呢拿雪糕喺頂,好邪惡呀!),最適合三五知己嚟tea tea佢。
 
地址及詳情:
 
即睇全文介紹
即睇全文介紹

站站都係食,第5站帶你嚟玩啦。講真,香港嘅Party House又係愈開愈多,想突圍而出確係有難度。而今次介紹嘅回到空間(Backspace),除咗有基本boardgames、桌球枱等設施外,而家仲有成張賽車座椅俾大家玩頭文字D!雖則佢其實都只係好似機舖嘅賽車椅咁,但你可以喺成班朋友開P嘅同時,一邊FF自己係扮藤原拓海咁飄移喎,過癮啦!

地址及詳情:

http://hk.ulifestyle.com.hk/spot/detail.html?id=ABdGDVo3BwJZHwNp 

即睇全文介紹
即睇全文介紹

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠