第 1 站 日本代表 - 手卷野村
日本代表 - 手卷野村一落天橋，就會見到新店「手卷野村」！手卷店剛於11月下旬開業，不似坊間不少店鋪以「份量多」取勝，新店對食材新鮮程度較講究，堅持全由日本取貨。
無論是手卷抑或卷物，兩款都選用炭燒紫菜，不易受潮，就算影兩張相先放入口，依然香脆。
外賣小店主打拖羅手卷，大吞拿魚手卷（$50）的魚生油脂豐富，入口即化，值得一試！
三心兩意的朋友，也可選擇特選海膽手卷（$50），一件有齊吞拿魚蓉、海膽、三文魚子，加上水耕菜，啖啖鮮味。
店內亦有供應以海膽、三文魚、油甘魚為主角的手卷，最平$15就有交易。
第 2 站 韓國代表 - N.A.S Gimbap
食完日式手卷，不妨食份韓式飯卷對比一下！
由韓國Oppa主理的紫菜包飯專門店，同樣於11月才開業，店內供應多款飯卷，標榜配搭清新健康，加入大量蔬菜。
另外，餡與飯的比例亦高達8:2，以這份炸豬扒紫菜包飯為例，啖啖都食到鬆化豬扒，難怪成為店內人氣no.1食品。
N.A.S. Gimbap亦有供應不少韓式小食，如蜜糖烤芝士（只限堂食）、蒸餃、QQ卷等，多人同行的話可以Share一齊食。
第 3 站 甜品代表 - 聰少甜品
「第一個胃」食飽，是時候滿足專食甜品的「第二個胃」。
聰嫂副線「聰少甜品」於今個秋天開業，首間店鋪選址食肆林立的尖沙咀區。除了供應多款聰嫂的人氣甜品外，亦不斷推出新口味食品，包括之前大熱的紫薯冰（現已售罄）。
不想堂食的話，可點選迷你冰杯，邊行邊食；涼浸浸的天氣下食水果冰，特別過癮！
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
