平時office忙到踢晒腳,周末終於真正可以嘆返個下午茶。以下3個下午茶好去處啱唔啱你心水?
第 1 站 泰國千層蛋糕Greyhound Café買一送一
如果你喜歡食千層蛋糕,一定要試Greyhound Café。雖然坊間不少甜品店以量取勝,但Greyhound Café只用10層班戟皮,配上散發奶香的幼滑忌廉,同樣誘人。
千層蛋糕有椰子、朱古力香蕉千層、芒果、雜莓和泰式奶茶5款口味,水果食材更由泰國空運到港,重現當地味道。
1月26日前去沙田新店食仲有買一送一優惠添!
※優惠只限堂食,適用於相同款式和口味的甜品
圖: Greyhound Café
第 2 站 日本抹茶老字號丸久小山園
齋睇丸久小山園店內以木為主的設計已經好有和風感覺。店內供應多款茶,包括傳統的濃茶和薄茶,最啱愛茶一族。
抹茶甜品有軟雪糕、年糕紅豆湯等,不但食材全由日本直送抵港,就連製作方法都跟足日本本舖。
眾多款抹茶甜品中,小編最鍾意卷蛋糕,抹茶忌廉軟滑之餘仲有濃郁抹茶香,夾住蛋糕和舖面的抹茶粉一齊食,層次十分豐富,最啱下午茶慢慢歎。
第 3 站 CRUMBS乳酪店強勢回歸
CRUMBS終於返黎喇!主打的雪糕乳酪依然大大杯,Toppings配料亦落得相當大方,食到尾每啖都仲有toppings。
今次回歸帶來新口味,雪糕乳酪有原味、北海道抹茶、抹茶扭紋3款口味任君選擇;
Toppings除了最受歡迎的House Crumbs、糯米糍和新鮮水果外,亦有煙韌大福、香印青提、抹茶蛋糕、迷你馬卡龍等新配料。
評語