【旺角好去處】旺角掃街5大食店 黑糖麥芽雞翼/四川鍋魁/麥提莎沙冰

2018.10.27

太子、旺角及油麻地一帶一向都是掃街天堂,最啱放假同朋友一齊捐窿捐罅搵食!今次小選就精選了5間該區的小食店,有黑糖麥芽單骨雞翼、滷味、四川鍋魁、梳乎厘Pancake及麥提莎沙冰等小食,下次去旺角掃街可以參考一下。

第 1 站 三合鍋魁

位於碧街的三合鍋魁,主打四川街頭小食,鍋魁更是店內的招牌小食,每一件都由店主親自用心製作。牛肉鍋魁($15)帶微辣香味,表層酥脆。另有四川甜品小食手搓冰粉($15),加入花生粒、提子乾、山楂及紅糖水。涼浸浸的口感食落似蒟蒻,有興趣不妨一試。


地址:碧街39D

營業時間:12nn-10pm

第 2 站 咕嚕咕嚕

最近新開的小食店「咕嚕咕嚕」,有不少口味創新的小食,店內有多口味的單骨雞翼,當中黑糖麥芽單骨雞翼($30/8件)夠晒特別,食落外層香脆,帶淡淡黑糖甜味。仲有大份的三色薯條($28),集薯仔、番薯及紫薯,仲可自選蟹皇、咸蛋及黑松露醬汁。

 

地址:旺角太子道西102A3


第 3 站 SHAKE SHAKE SHAKE

店內主打沙冰奶昔,有近30款不同朱古力特飲可以選擇,當中更有不少朱古力品牌的口味選擇。麥提莎沙冰奶昔($38)的表層加上忌廉外,仲有麥提莎朱古力!另有益力多沙冰系列,士多啤梨多多($28)面層加上爆珠,士多啤梨味道濃郁,口感豐富。

地址:旺角廣華街1號仁安大廈地下14D號舖

營業時間:11am-11pm

第 4 站 am.pm

外型以顯眼黃巴士為設計的小食店am.pm,主打多款口味的梳乎厘Pancake,受不少Pancake迷歡迎。當中炎燒布丁梳乎厘($48),表面用火槍燒過的焦糖,配軟綿綿梳乎厘Pancake,甜而不膩。另有抹茶梳乎厘($40),面層淋上大量抹茶醬,抹茶控不要錯過。


地址:彌敦道560號譽發廣場地下B

營業時間:1pm-11pm

即睇全文介紹

第 5 站 炸理滷味

立食店炸理滷味,以炸物、炸串及滷味等小食為主,店內設計充滿懷舊風味,相當特別。金黃香脆的炸理芝心海龍波波($38),好啱芝士控一試。另有有齊雞腎、大腸及豬手的滷味三拼($30),大腸入味軟腍且肥美。下次到旺角掃街可以考慮一下!


地址:旺角砵蘭街147號祥興樓地下A

 

營業時間:11am-10pm

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用🎁】RMK全新底妝系列!↓

↓全新原生光感隔離霜 x 零瑕絲絹粉底液↓

↓全新原生光感隔離霜 x 零瑕絲絹粉底液↓

↓【免費送🎁】DPM點對點®床褥!!!↓

↓ 仲會幫您度身訂造出最適合的床褥 ↓

↓ 仲會幫您度身訂造出最適合的床褥 ↓