天氣開始漸漸轉涼,又是打邊爐的好時機!以下搜羅旺角五間火鍋專門店推介給大家,有卜卜蜆鍋、麻辣火鍋、養生火鍋,有辣有唔辣。快啲約埋三五知己去烚下烚下,過個暖笠笠的秋冬啦~
秋意漸濃,又到食蟹的旺季啦!位於旺角的「新南苑私房菜火鍋鷄煲」近日新推出蟹宴主題半任食放題,一次過食勻5款蟹,有凍蟹腳、大閘蟹、炒蟹、麻辣蟹雞煲、蟹火鍋!仲有得打埋邊爐,可以任食超過三十款火鍋配料,當中有得任食新鮮龍躉、脆肉鯇、海蝦。各位鍾意食蟹的朋友就別錯過啦!~
此套餐須四位起入座,價錢每位$398免加一
除了招牌麻辣湯底外,還有皮蛋芫茜鍋、花膠響螺雞鍋、70年代港式特濃沙嗲鍋及番茄牛尾鍋等。打邊爐不可缺少的牛肉都有多款種類選擇,除了有澳洲、美國牛外,仲有日本A4和牛、澳洲和牛、海鮮拼盤等。還有重慶串燒,即叫即燒!
人均消費:$200至$400
「為食仔海鮮火鍋專門店」推出晚上9時半前入座可享優惠價$48享用「18禁卜卜蜆雞煲」,而9時半後入座可享$98卜卜蜆煲,有三款新口味,包括胡椒雞湯味、冬蔭功湯味及18禁辣味。仲有推出黃金系列的火鍋配料,有自家黃金炸響鈴、蝦膠奶皇包等。
人均消費:$100至$200
活動資訊
- 地點
免費登記成為U Lifestyle 會員
即時接收最新資訊並盡享獨家優惠!
評語