2019上半年10大新開過江龍餐廳　ChaTraMue/天吉屋/鼎王/老媽拌麵/快樂小羊

來自東京的人氣平價天婦羅丼飯店「天吉屋」在香港朗豪坊開分店，主打國民美食即炸天婦羅丼飯。獨特油粉比例令金黃酥脆的天婦羅保持清爽不油膩，配合自家特製無味精鰹魚醬汁，設三種品嚐天丼的獨特方法。除了推出香港限定軟殼蟹丼之外，更有一款丼飯可以無限任添飯，鍾意食日本菜的朋友可以一試！

「天吉屋」

地址：旺角朗豪坊11樓25-29號舖

營業時間：星期一至日中午12時至晚上10時30分

電話：3105 0986

台灣麵食品牌「老媽拌麵」登陸香港開設首間海外分店，選址於將軍澳！除了招牌川味紅燒牛肉麵外，還有提供地獄麻辣牛肉拌麵、擔擔麵、花雕雞拌麵。另外，亦有甜不辣、滷鴨舌等人氣台式小食。當然亦不少得黑糖珍珠鮮奶、冬瓜檸檬及阿里山高山冷泡茶等台灣茶飲。鍾意食台灣菜的朋友就要試試啦～

老媽拌麵

地址：將軍澳唐德街9號將軍澳中心L1樓133號舖

營業時間：星期一至日11:30 – 22:30

電話：2631 0030

韓國過江龍「ARIRANG HOT DOG」阿里郎芝士熱狗棒店近日首次進駐旺角，小店一共8款熱狗棒口味選擇，大部分都有芝士夾心。小店主打熱狗棒有雙重芝士拉絲、車打芝士等口味，咬開有拉絲芝士，下次去旺角掃街有新嘢試啦！

ARIRANG HOT DOG

地址： 旺角奶路臣街12-26號地鋪

營業時間：星期日至四12pm-11pm；星期五至六12pm-12am

台灣人氣火鍋店鼎王麻辣鍋宣佈10月進駐香港，殺入尖沙咀開設首間香港分店，鐘意食麻辣火鍋的朋友又有新選擇啦！鼎王麻辣鍋主打麻辣火鍋，湯底以多種中藥類、香料等製成，麻香味好吸引，而且可以無限任點鴨血和豆腐！

鼎王麻辣火鍋

地址：尖沙咀金巴利道26號地下5號鋪

預計開幕時間：2019年10月

各位班戟控有好消息！來自日本大阪人氣班戟店「Micasadeco & Cafe」終於登陸香港，香港首間分店選址於旺角朗豪坊。這間班戟名店在日本都相當受歡迎，經常店外大排長龍。招牌人氣No.1芝士梳乎厘Pancake，加入了Ricotta Cheese，入口即溶！除了梳乎厘Pancake之外，也有基本款式的Pancake，亦不定期推出限定口味！

Micasadeco & Cafe

地址：旺角朗豪坊B2 26-27號舖

預計開幕時間：暫未公布

圖片及資料來源：FB @ Micasadeco & Cafe

泰國人氣手標茶ChaTraMue登陸銅鑼灣於4月正式開幕。這個泰國品牌早已遍佈東南亞，主打飲品奶茶、綠茶及玫瑰花茶系列都廣受歡迎，十分有人氣，而且有健康效用，幫助舒壓。店鋪還賣家用罐裝，罐內有50個茶包，在家也能自行沖調。想去朝聖一下的朋友別錯過啦！

ChaTraMue

地址：銅鑼灣渣甸街49號

營業時間：11:00-23:00

蒙古過江龍「快樂小羊火鍋餐廳」早前於旺角開首間香港分店，店舖招牌羊肉是由蒙古自家牧場出品，在自家工場切割加工再直送香港，標榜原汁原味，可以食到多個羊肉部位。除了火鍋之外，亦提供蒙式炙烤。鍾意食羊肉的朋友，值得一試！

快樂小羊

地址： 旺角豉油街60-104B號鴻都大廈地下至2樓

營業時間：星期一至日11:30-02:00

電話：23456898

日本大阪過江龍拉麵店「どストライク軒　Strike noodles」登陸尖沙咀！餐廳主打濃厚雞白湯拉麵，今次香港分店跟足大阪分店Menu，採用日本食材。除了有白湯蜆松露鹽味拉麵、明太子豚肉撈麵等款式外，還有香港分店首創限定的大魔王拉麵，限時內食完即可免費！新開限期間，更推出$10雞白湯野菜醬油拉麵優惠，每日限量30碗，鍾意食拉麵的朋友有新選擇試啦！

どストライク軒Strike noodles

地址： 尖沙咀柯士甸路17號豐樂大廈2號鋪 

營業時間：星期一至日11:30am - 3:30pm；6pm - 10:30pm

電話：26826550

日本北海道人氣拉麵店「緣屋」在上環開分店啦！緣屋在日本最受歡迎的就是店鋪招牌蝦濃湯底，用甜蝦頭熬製，特別濃郁鮮甜。還有推出香港限定的蝦主題小食，有炸日本赤蝦、櫻花蝦唐揚炸雞等。平時豬骨湯拉麵就食得多，不妨試試這間日本過江龍的鮮甜蝦濃湯拉麵啦！

緣屋

地址：  上環干諾道中168-200號信德中心2樓228-230號舖 

營業時間：星期一至日上午11時至晚上10時

電話：25591166

又有台灣過江龍登陸香港啦！今次是人氣軟歐麵包及調飲品牌Share le Pain，麵包提供多款麵包及台式茶飲，最人氣一定是爆漿珍奶軟歐及三色髒髒包！另外，特飲飲品方面，有採用大甲芋頭的鮮醇芋頭奶，還有爆爆水果茶等清新選擇～

Share le Pain

地址： 銅鑼灣世貿中心2樓207-208舖 

電話：23280178