【紅磡美食】紅磡8大平民掃街美食大全！爆醬芝士雞排/足料麻辣燙/避風塘雞翼

店舖主打售賣多款口味的熱狗，例如松業蟹熱狗、鴨肝熱狗、和牛漢堡熱狗等等，今次就試了厚切鰻魚玉子熱狗（大鰻狗）同明太子煙三文魚熱狗。厚切鰻魚滑蛋熱狗有原條厚切鰻魚，而鰻魚下仲有一大片滑蛋，咬到最底仲有條熱狗腸，十分足料。熱狗分量算大，女生的話可以一隻熱狗分來食都夠飽，性價比算高。店內的芝士煙肉薯條同樣受歡迎！

店舖資料：ICONIC H 特色熱狗店

地址：紅磡必嘉街97號黃埔唐樓C座106A舖

煎餅廚房即叫即整多款特色口味煎餅，心水推介北京烤鴨煎餅，煎餅加埋烤鴨絲、京蔥絲、青瓜片、甜醬，味道好夾，另外仲可以加薄脆，口感更豐富！叫完仲可以到外面望到整個煎餅製作過程，去開不妨一試！

地址:紅磡蕪湖街83號地下7號舖(港鐵黃埔站 B 出口，步行約5分鐘)

營業時間：星期一至四13:00 - 22:00／星期五至日 11:00 - 22:00

店舖主打多款即叫即製串燒，當中最受歡迎的有蒜蓉茄子、 蒜蓉生蠔、燒花蜆及烤魚，全部都肉嫩多汁。部分串燒更會加上孜然粉及蒜蓉，夠晒惹味，適合一眾「重口味」朋友去試試！

地址：紅磡蕪湖街123號地下C號舖

營業時間：星期一 24小時營業；星期二至日18:00 - 03:00

資料及圖片來源：紅磡串門子

紅磡雞蛋仔可以話係區內老字號小食店，除了著名的雞蛋仔之外，班戟亦值得一試！鍾意甜食的話可以試試芒果班戟，超足料芒果加上沙律醬，酸酸甜甜好開胃。另外仲有肉鬆班戟同樣份量十足，熱辣辣食味道一流。

 地址：紅磡大沽街寶利閣2號舖(港鐵黃埔站 B 出口，步行約4分鐘)

營業時間：星期一至三／星期五至日 12:00 - 20:00／星期四全日休息

深宵夜堂「OK辣」每日傍晚營業至凌晨，主打麻辣燙。麻辣燙基本三餸一麵配料可選滷水雞翼、自家製水餃；水餃足料又大粒。另有涼拌小食和麻辣小食，如涼拌土豆絲和麻辣大腸。

地址：紅磡蕪湖街58號金達閣地下2號舖

營業時間：18:00 - 03:00

電話：9040 6555