【大埔美食】農曆新年好去處!大埔5大掃街美食推薦 朱古力多士山/爆餡糯米糍

2020.01.23

農曆新年好多人都會到大埔林村許願樹祈福,不過新年除了可以到大埔祈福許願之外,大埔亦有多款深受市民的美食,例如腸粉、粥等等。今次就為大家推介除了腸粉及粥以外的5大大埔掃街美食,包括BullDog HotDog、天下鳥、想點啡、珞桐冰室等等,即睇2020大埔5大抵食美食推薦!

第 1 站 BullDog HotDog

BullDog HotDog是一間主打賣熱狗的小店,每隻熱狗均用上8吋長的法蘭克福腸製作。店舖除了提供傳統熱狗以外,更有各種不同風味的熱狗,配合秘製醬汁創作出嶄新的口味,食落十分有驚喜,按下圖睇有咩食。

地址:大埔廣福道60-62號C鋪

電話:2608 2523

營業時間:初二至初三2點後營業;初四正常營業

資料及圖片來源:BullDog HotDog

第 2 站 天下鳥

獲日式炸雞大賞最高金賞的「天下鳥」在日本有超過40間分店,被喻為日本炸雞店元祖。天下鳥的日式炸雞採用日本博多雞,全部即叫即炸,顧客更可自選醬料配搭炸雞。香港分店的炸雞醬料一共15款,除了傳統的蛋黃醬,更有大根蓉柚子醋、山賊醬等特別口味供選擇。除了天下鳥炸雞外,亦有日本章魚燒連鎖店的章魚燒,配搭上不同口味的自家調配醬料。

地址:大埔超級城B區1-2樓一田超級市場

電話:37611388

營業時間:初一至初三12:30-21:30;初四正常營業

第 3 站 珞桐冰室

大埔寶湖道街市都有平民小食,位於街市最尾的珞桐冰室價錢相宜,當中最受市民歡迎的莫過於「一口杏仁朱古力多士」,多士即叫即焗,2吋厚多士方粒,層層疊高。淋上香濃朱古力醬和杏仁片,多士烤得非常香脆。另外同樣深受大家歡迎的仲有「焗雪山」,焗雪山除了淋上滿滿的朱古力漿外,中間更有雪米糍,十分有驚喜!店內當然仲有其他美食啦,按下圖睇新年營業時間及有咩美食。

地址:大埔寶湖花園地下街市P2舖

電話:9169 2261

營業時間:正常營業

資料及圖片來源:珞桐冰室 - Bella's Cafe

第 4 站 想點啡

「想點啡」是間位於大埔街市附近的平民咖啡店,店內除了有不同款式的咖啡供應外,甜品亦十分出色。當中最特別的莫過於紫薯系列的甜品及飲品,例如紫薯窩夫、紫薯厚多士、紫薯雪糕新地、紫薯latte等,鍾意紫薯的朋友值得一試。

地址:大埔南盛街16號南盛大厦地下6號舖

電話:39564869

營業時間:初一至初四早上7時至下午5時營業;其他日子正常營業

資料及圖片來源:想點啡

第 5 站 滑嘟嘟

這間小店主打糯米糍、芝麻糊等小食,當中招牌花生芝麻糯米糍,份量十足。糯米糍皮薄餡靚,咬落煙煙韌韌,啖啖花生芝麻餡,鍾意食糯米糍的朋友一定要試試!除了糯米糍外,大家亦可以試試店內的中式糖水,包括薑汁手工芋圓、核桃糊、生磨芝麻糊、薏米紅豆沙等,當飯後甜品也是個不錯的選擇。

地址:大埔鄉事會街8號大埔墟街市及熟食中心2樓CFS29號舖

電話:91729433

農曆新年營業時間如下:

年初二 早上十一時至八時

年初三 早上十一時至八時

年初四 早上十時至九時

營業時間:星期一 全日休息;星期二至五 10:00 - 20:00;星期六至日10:00 - 21:00

資料及圖片來源:滑嘟嘟

活動資訊

立刻訂閱Telegram優惠頻道:

《UU熊 Home Chat》新登場!

↓↓Chat一Chat 即攞Stay Home Tips!↓↓

Chat一Chat 即攞Stay Home Tips!

↓【App限定】禮品、現金券、優惠折扣等您攞!↓

立即免費下載~攞定U Fun隨時換禮遇!

立即免費下載~攞定U Fun隨時換禮遇!

評語

各區優惠、玩買食熱點!
港生活
《香港好去處地圖》
Click一Click就知道! 立即用

各區優惠、玩買食熱點!
港生活
《香港好去處地圖》
Click一Click就知道! 立即用