【佐敦美食】佐敦掃街3大小店推介!台灣過江龍厚吐司/自家製古法瀨粉/嘉多娜餅屋法式布丁麵包

佐敦一向隱藏了不少美食,今次小編帶大家走進佐敦區一帶掃街,食盡各種不同類型的小店!價錢平民,食物水準高,自家製甜點鹹點都值得推薦給大家!即刻睇吓以下3大佐敦美食推介啦!

第 1 站 厚厚一片

 台灣過江龍的厚片吐司專賣店位於柯士甸道,不少街坊朋友都被4cm厚多士及自家製奶酥吸引而來!店舖室內設有立食區域,門外更設有長櫈方便進食。由於厚吐司即叫即做的關係,所以需要等約10-15分鐘左右。厚吐司款式眾多,小編則試食了三層芋泥肉鬆起司吐司($50)。鹹味芋泥吐司十分足料,芋泥肉鬆份量十足,不過略嫌芋泥味道偏淡。厚切吐司質感則沒有令人失望,既鬆軟又有口感!另一款動物造型吐司抹茶熊熊($57)單靠造型可愛已經能夠吸引一眾熊熊愛好者!味道方面,吐司面塗滿抹茶醬十分濃味,加上一串煙韌的紅豆檲子,配搭十分新鮮。紅豆配抹茶的經典組合絕對不會令人失望,如果抹茶醬加點份量味道會更佳!

 

地扯:佐敦柯士甸道144號地下D號舖

營業時間:11:30 - 20:30

電話:54070644

第 2 站 西關老祖

 位於文苑街的中式外賣小食店西關老祖主打古法小食,充滿懷舊回憶味道!店舖以小食古法西關瀨粉打響名堂,不少街坊亦因此慕名而來,小編當然也不例外!今次試食了古法瀨粉($25),爆炒XO醬腸粉($30),配飲品紅豆孖沙($20),整體味道都十分不錯!古法瀨粉配合老祖自家調製菜脯及黑毛豬豬油渣十分惹味,XO醬腸粉亦使用自家製秘方調製,醬料包含小蝦米、元貝等,口感十足。

最後配合一杯紅豆孖沙,紅豆帶有健脾消水腹,飲品甜度適中,紅豆起沙又有咬口,十分驚喜,建議喜愛吃紅豆的朋友不能錯過!西關老祖付款方式不包括現金,大家可以選用電子付款方式!

 

地扯:佐敦文苑街18號文苑樓地下18B號舖

營業時間:11:00 - 20:30

第 3 站 嘉多娜餅屋

嘉多娜餅屋位於文苑街轉角位置,店舖外表跟一般舊式麵包店沒兩樣,但麵包款式別具特色!除了傳統的包點外,嘉多娜出品的特色法式布丁包($15)更引來一班粉絲大排長龍等待出爐搶購!嘉多娜日賣大約700個法式布丁包,由於製作時間有限,每人只能限購4個!法式布丁包價錢平民,麵包部分十分足料絕非空氣麵包,而布丁的質感軟滑而且蛋香味濃,但略嫌有點兒過甜!


地扯:佐敦文苑街1-23號文英樓地下1號舖

營業時間:06:30 - 20:30

電話:26828019

活動資訊

有新嘢玩!《社群》專區登錄App

↓必睇人氣美食主題深度關注組↓

必睇人氣美食主題深度關注組

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

獨家優惠

輕掃查看其他優惠

【超市優惠】消委會格價網一次睇勻6大超市售價+優惠+跌價!百佳/惠康/萬寧/屈臣氏/AEON/大昌
APP獨家
【超市優惠】消委會格價網一次睇勻6大超市售價+優惠+跌價!百佳/惠康/萬寧/屈臣氏/AEON/大昌
【虎年運程2022】雲文子12生肖虎年財運+事業運勢!屬虎:聽信內幕易破財/屬蛇:轉工機會微
APP獨家
【虎年運程2022】雲文子12生肖虎年財運+事業運勢!屬虎:聽信內幕易破財/屬蛇:轉工機會微
【團體相教學】5大搞笑團體相拍照教學 一大班朋友外出時拍照留念 好笑又好玩!
APP獨家
【團體相教學】5大搞笑團體相拍照教學 一大班朋友外出時拍照留念 好笑又好玩!