成功不一定靠父幹!22歲女大學生IG賣糯米糍 2年賺$50萬開店做老闆

文:
2015.08.07

文:cc

香港人對甜品的瘋狂程度無容置疑,每次出甜品(唔理咩味)都好多like,賣相最緊要,最好會出煙、識噴火,總之愈誇愈好!

在「靠樣搵食」這個世代之中,偏偏這間麥提莎糯米糍網店能站得住腳,而且愈做愈大,最近更於觀塘開設樓上店,不得不寫個服字!最最最最最重要的是,店主不是已經賺夠錢開店只想打發時間的太太,更不是二世祖,她只是一個連大學都未畢業的22歲小女生。

店主「琛琛」,個look跟名字一樣,是個可愛的陽光女孩,一見面就超熱情say hi,還未食lunch,帶點睡意的小編有點措手不及…「喂,hi,原來你就係琛琛!」配合一下,熱情少少先。

由網店開始賣麥提莎糯米糍,雖然不是打着「全港首間」這個威威的稱號,但大概也是最受歡迎的糯米糍店之一!看看Instagram的follower人數,「38.1k」,比港生活IG還要多…題外話:請大家follow @ulifestylehk:instagram.com/ulifestylehk,講完。

(小編食過,真係幾好食!)

做了兩年多,由一個月先有一張單,到現在日日出貨,有市集接洽合作,最高紀錄一日賣12,000粒麥提莎糯米糍,注意,甜品全人手製作,叫小編一日畫12,000個圓圈我都想死!

(全副裝備,好專業!)

讀多啲書先會發達,呢個道理你點睇?

琛:「我唔覺得背哂marketing堂教嘅PowerPoint就識做生意,開咗店,邊學邊做就識架啦!」

琛琛自認讀書不算標青,更不是修BBA科目,無論是找供應商、入貨,還是尋找合適的鋪位,都是一步一步,邊學邊做。

琛:「我有讀過吓econ嘅,淨係記得demand同supply囉,唔識架,demand多啲我咪要supply多啲囉,哈哈。」

(全家總動員幫手!琛爸跟小編講了幾次「仲有細佬」,如有細佬相片請提供,我key番上去。)

讀者最關心嘅問題,錢,究竟你之前開網店賺到幾多錢?

琛:「確實真係唔記得,總之我擺哂網店賺番嚟嘅錢落呢間鋪度,淨係裝修都用咗20幾萬,仲有牌費、器材等等。最初學整野食,自己出錢買焗爐,嗰時買焗爐要400幾蚊,用咗好多零用好肉赤架!」

咁計法,你開舖都使咗有50萬喎?

琛:「我開間鋪都接近用咗50萬數,咁我之前應該都賺咗50萬。」

這刻,小編的表情應該跟梵高那幅《吶喊》一樣,誰說大學生個個都是「廢青」!(咦唔係,吶喊好似唔係梵高畫嘅,我係廢青…)什麼?賣麥提莎糯米糍賺到幾十萬,為什麼我最初不好好的跟家人學廚呢…


香港人購物宗旨,顧客永遠是對的,有無遇過啲好黑人憎嘅客人?

琛:「好好彩,我啲客人大部分都好好,拎貨怕我攰會買野飲俾我,連去旅行都會買手信,我覺得同佢地嘅關係似好朋友多啲。」

(琛琛甜品店中唯一的佈置(我認為),就是大門前的一塊告示板,上面貼住客人寫給她加油信和畫,超有愛!)

應該全部都係香港客啦可?

琛:「唔係呀,澳門、台灣都有,太難忘啦所以做埋朋友keep住聯絡,佢叫我送糯米糍去佢地度,點送喎哈哈。」

純粹問問,誰知糯米糍真的已經衝出香港,嚇我一跳!可以交朋結友,我相信對琛琛來說,比賺多少錢都較為重要。

(琛琛的客人知道她喜歡小雲,特意造了一個公仔給她,so sweet <3)

 

香港人好鍾意食甜品,你點睇?

琛:「係呀,真係好鍾意。可能係因為佢地試過整甜品,覺得甜品好有趣,又或者鍾意甜品賣相掛,而家出面的甜品都好靚,相機食先嘛。」

講起賣相,其實琛琛的甜品真的說不上「靚」,無裝飾可言,唯一的設計相估只是盒上的自家logo吧!臨走時,小編跟其他顧客傾傾計,他們都說麥提莎糯米糍的內涵已有滿分,根本不介意其賣相。事實證明,識噴煙噴火的甜品,不一定勝出!

(產量極低的「杯杯」,客人怕琛琛唔整,寧願先入數迫佢整!)

由第一眼看到琛琛的甜品店,到跟她談製作、談客人,小編就不斷「起雞皮」,可能我真的有種「被小事觸動就想喊」的傾向。從頭到尾我都不覺得琛琛在「做生意」,熟客上到來就聊聊天,請他們吃東西,還給小編一個超級無敵低的優惠價,如果真的在「做生意」,早就蝕本了。小編反覺得琛琛似中學生做project,邊玩邊學發展自己的興趣,或許她沒有年老一輩的老練,不懂賺大錢的方法,但講到熱情和執着,琛琛不會被比下去,可能就是這份誠意和傻勁,令她「做吓做吓就有50萬」,「做吓做吓就開鋪做老闆」。

Sum Sum Dessert Workshop地址
http://hk.ulifestyle.com.hk/spot/detail.html?id=ABdGDVo2BwlZHgNp 

此文送給小編一位來不及完成夢想,這刻應該在天堂努力鑽研甜品的朋友。 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓