食物有曱甴點算？30年經驗酒樓阿姐霸氣拆招，再教一直唔知的蝦餃正確食法
文：CC
「我的家有爺爺、嫲嫲、爸爸、媽媽，仲有陳醫生」，有什麼人可以媲美家庭醫生呢？
小編這刻竟然想起一個人，敏姐，酒樓經理敏姐，心血來潮，立即到太子一間酒樓探探她，順便食番籠親愛的爆餡蓮蓉包，boss我話「順便」咋，唔係蛇王！
敏姐個look非常易認，長長的「公仔麵頭」，我心目中只有她能夠carry這種不敗的髮型。
由傳菜做到酒樓經理，在同一間酒樓做了32年，她說全因為一個好老闆。（不要葡萄，也不要與自己的腦細比較）
.jpg)
book位飲茶找敏姐，想食晚市才有的西米焗布甸找敏姐，連冷氣不夠涼都找敏姐，想一想，其實酒樓經理這個角色都幾萬能！作為酒樓的協調者，老闆改菜單，經理就要交帶廚房；有人請假，經理就要安排替更；遇到客人投訴，經理就要出場。
「出嚟啦，敏姐！」
：「敏姐，你做咗咁多年，遇過咩麻煩客，有無人食霸王餐？」
：「有！有班細路拎咗隻曱甴腳比我睇。」
大概6、7年前，有一班後生仔到酒樓食飯，食飯途中投訴蟹鉗裡面有一隻曱甴腳，樓面所有人都解決不了，要召喚霸氣的敏姐。敏姐一出場，二話不說立刻反轉個碗，蓋住隻曱甴腳，大叫，「唔好郁佢」，那鼓氣勢，7年後的我都feel到。
：「咁你點呀，安慰個客，定即刻賠錢？」
：「隻曱甴腳好新鮮、好乾淨」
好新鮮，敏姐竟然形容隻曱甴腳好新鮮，我有啲想嘔。
：「我意思係隻曱甴腳無沾到蟹肉呀。」
哈哈，我明白了，雖然敏姐無將個「屈」字講出口。
：「咁最後點呀？佢地有無拎隻腳去驗？」
：「梗係無啦！食完餐飯就走啦！不過我都keep咗隻腳3日先敢掉。」
敏姐啊敏姐，你怎可以這麼鬆容地面對一隻噁心的曱甴腳。
：「咁有無另一件事經典過隻曱甴腳架？」
：「有，有次個客投訴碗翅貨不對版，食咗一大半先話碗翅唔係海虎翅。」
不出所料，霸氣的敏姐又再出場，一手蓋着碗翅，敏姐今次有百分百的信心，堅持酒樓的食材貨正價實。
：「我今次keep咗碗翅8個月，個客最後都無驗。」
咩話，大佬，8個月！我不得不佩服敏姐，對自己公司有信心不特止，做事更是1000分之1000的小心謹慎。不過，小編無法想像一碗魚翅放了8個月會是什麼味道…
霸氣是這樣煉成的，聽敏姐講述那隻腳，那碗翅，小編驚訝得只重覆「真係架？」、「典解嘅？」；而敏姐呢？一直表露着那副「濕濕碎啦」的樣子。
「酒樓經理搵幾多錢？」
輪到大家最關心的問題，想知答案絕對是人之常情的，究竟幾多k可以令敏姐一做就做了32年，看看行情，或者有日想轉工時有用呢！明白明白，雖然我與敏姐有20多年交情（實際相處時間少於1小時），但小編實在不好意思問，「敏姐你一個月搵幾多k呀？」
好在敏姐見慣客人的眉頭眼額，大方地爆了一句
：「我做酒樓經理咁多年，供完元朗層樓啦！」
今時今日，大部人最擔心的問題 – 買樓！原來做酒樓可以發達，可以上車，有沒有想轉工的衝動？
（補充：敏姐在93年買樓，數數手指，做人都是不要有太多幻想…）
小編在酒樓坐了兩小時，有大概半小時的時間跟敏姐做訪問，其餘時間呢，食住等，等敏姐聽電話，等她整理菜單，等她入廚房交代訂單，等她跟食客social。走來走去，腳步其實輕快過好多後生仔，究竟要多愛一份工作，才可以把青春都投放在同一個地方32年，我不需要問敏姐「你鍾唔鍾意呢份工」，已經知道答案。
最後，小編要多謝敏姐的點心（這是生活記者的福利，哈哈），祝敏姐繼續霸氣！
任務完成，我食到蓮蓉包。
港生活人氣本地熱話
【🎁免費送】HIZERO 輕量級F300潔地機！
↓簡單兩步登記贏清潔神隊友！↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
